Kvifor må vi jobbe?

Jobben vår har mange funksjonar i livet vårt. Det mest openberre er at vi jobbar for å tene pengar til mat på bordet og eit hus å bu i. Likevel er det mange andre gode grunnar til å jobbe. Det er fordelar både for deg sjølv, samfunnet og dei du lever saman med.

Accessibility icon Kvifor må vi jobbe?

Hugsar du den første isen du åt? 

Det er ikkje sikkert du hugsar den første isen du åt, men du vart sannsynlegvis hekta på is for resten av livet. Det er ekte smak av 17. mai og sommarferie!  

For at du skal kunne ete is, må nokon produsere han først. Enten det er på ein iskremfabrikk i Oslo, Stavanger, Brevik, Kristiansand eller Harstad. Før vi kan setje tennene i ein Krone-is, har nokon jobba i timevis for å lage han. 

Gutt spiser is
Gutt spiser is

Kvifor må vi jobbe? 

Nokon må jobbe for at vi andre skal kunne ha bilar, datamaskinar, klede, hus eller is. Vi må ha mange ulike jobbar for å løyse alle behova vi har i samfunnet. Viss nokre jobbar forsvinn, så kan det hende at det er noko vi ikkje får tak i, eller det kan hende at nokre oppgåver ikkje blir løyste. Derfor er det viktig at vi har alle typar jobbar. Vi treng lærarar, røyrleggjarar, søppeltømmarar, butikktilsette og reinhaldsarbeidarar.

Bilfabrikk
Bilfabrikk

Jobbar som ikkje finst lenger 

Ny teknologi gjer at fleire og fleire yrke forsvinn. Vi og samfunnet utviklar oss heile tida. Her er nokre yrke som har forsvunne med tida. Dei fleste er borte fordi dei vart erstatta av meir moderne løysingar.

  • Kjeglesetjar på bowlingbanar 
  • Isskjærar – for å halde maten kald før vi fekk kjøleskap 
  • Gatelystennar
Gatelystenner

Kvifor må vi bli noko? 

Ein jobb gir deg løn. Løna gir deg moglegheiter til å skaffe bustad, kjøpe mat, drive med idrett eller dra på ferie. Men det er ikkje det einaste positive du får ut av å vere i jobb.

Gjennom jobben din kan du:  

  • lære nye ting og utvikle deg 
  • bli betre kjend med deg sjølv
  • få ei kjensle av at du er til nytte 
  • få betre sjølvtillit
  • fylle tida med noko meiningsfylt 

Dei du bruker mest tid med i løpet av ei arbeidsveke, er kollegaene dine. Desse kan fort bli gode venner.

Når du jobbar, betaler du skatt. Desse pengane går til ei felles pengekasse som er nyttig for samfunnet. Skattepengane fører til at vi har sjukehus, vegar, barnehagar, skular og aldersheimar.

Forrige avsnitt

1 / 3

Neste avsnitt
Kollegar
Kollegar

Jobb og sjølvkjensle

Ei målsetjing bør vere å meistre livet både privat og på jobb. Viss vi mistrivst på jobb, vil det sannsynlegvis gå utover livet etter arbeidstid òg. Om ein ikkje kjenner meistring på jobb, vil mange kjenne seg unyttige og verdilause.

Blir du utlærd i ein jobb første veka, kan det bli vanskeleg å motivere seg vidare. Det er viktig med variasjon og mål om stadig å lære noko nytt. Utan det kan ein lett møte den berømte «veggen» og bli utbrend.

Forrige avsnitt

1 / 2

Neste avsnitt

Gøy på jobb 

Det er viktig at du kan gle deg til å gå på jobben, men samtidig kjenne glede ved å kome heim. Det å kjenne at du har gjort eit godt stykke arbeid, gjer at du kan slappe betre av heime.

Er jobben statisk? 

Nokre yrke er statiske. Då gjer ein dei same tinga nesten heile tida. Døme på det er ein fabrikkarbeidar eller ein som sit i kassa i butikken. Likevel er desse jobbane viktige for samfunnet, og du kan ha stor glede av arbeidet.

Er kreative jobbar dei beste? 

Det er lett å tenkje at kreative jobbar er dei beste. Der har du ulike oppgåver heile tida. Slik er til dømes læraryrket. Ingen dag er lik, og du veit eigentleg aldri om du får gjennomført det du hadde planlagt.

Det er mange som trivst med å ha det slik, medan andre blir utbrende. Det krev mykje å heile tida finne på noko nytt. Samtidig er det mange lærarar som gleder seg til å gå på jobb, nettopp på grunn av varierte arbeidsoppgåver.

Forrige avsnitt

1 / 2

Neste avsnitt

Samfunnskritiske jobbar 

Når vi opplever ei krise, blir nokre yrke spesielt viktige. Elles vil desse yrka, ofte lågare lønte, bli sett på som mindre viktige. Regjeringa har laga ei liste over dei mest nødvendige yrka vi må ha under ein pandemi eller krig.

Her ser du eit utval: politikarar, militæret, advokatar, politi, sjukepleiarar, legar, grensevakter, Nav, brannvesen, butikktilsette, elektrikarar og transportarbeidarar. I tillegg treng vi barnehagetilsette, lærarar, prestar, reinhaldsarbeidarar og dei som jobbar i gravferdsbyrå.

Kvinner i arbeid

Mangel på likestilling er ifølgje FN ofte ein grunn til fattigdom. Mange kvinner får ikkje lov til å jobbe utanfor heimen, og dei får dermed dårlegare økonomi.

Stadig fleire kvinner har gode jobbar og tener godt. Likevel er det framleis mange kvinner som jobbar deltid. Dei får lågare løn enn menn. Desse kvinnene er ofte økonomisk avhengige av mannen sin.

Kvinner i deltidsstillingar får ikkje spart like mykje til pensjon. Dei får mindre utbetalt når dei blir pensjonistar. Viss ei kvinne skil seg, vil ho få mykje mindre å leve for når ho går av med pensjon.

Når kvinner jobbar mindre enn menn, mistar samfunnet ei viktig arbeidskraft. Vi mistar òg skatteinntekter og kjøpekraft. Likestilling bidreg derfor til at samfunnet fungerer betre økonomisk.

Forrige avsnitt

1 / 4

Neste avsnitt

Arbeid tryggjar velferda

Kjelder:

Bilet- og videorettar:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images
    9. Getty Images
    10. Getty Images
    11. Regjeringen – YouTube