Når draumevegen tar ein sving
Når du søkjer vidaregåande, vel du tre utdanningsprogram i rekkefølgje. Du får plass på eitt av dei, men ikkje alltid førstevalet.
Viss du må endre planar, kan det vere skuffande, men òg ei mogelegheit til å tenkje nytt og finne nye vegar for framtida.
Finn nye vegar til målet
Sjølv om du ikkje får førstevalet ditt, kan du framleis jobbe mot draumen. Mange skular har fag som liknar på det du ønskjer.
Viss draumeskulen er for langt unna, finst det andre løysingar.
Til dømes, viss du vil ha drama, men skulen ikkje tilbyr det, kan du velje fag som litteratur, design eller mediefag for å utvikle kreativiteten din.
Gå på annan skule
Nokre må gå på ein annan skule enn vennene sine, reise lenger eller flytte på hybel.
Det kan verke skummelt, men du blir meir sjøvlvstendig og får nye venner!
Positive sider ved å tilpasse seg
- Oppdag nye ting: På en ny skule kan du finne fag eller yrke du aldri har høyrt om. Du kan òg få heilt nye interesser.
- Bli meir fleksibel: Å tilpasse seg nye ting er viktig. Det hjelper deg å takle andre overraskingar i livet.
- Meir sjølvstende: Nye utfordringar lærer deg mykje om deg sjølv. Dette er nyttig heile livet.
- Få nye venner: Å møte nye menneske på skulen kan gi deg nye venner.
1 / 2
Tips når ting ikkje går som planlagt
- Sjå på alle faga:
Finn ut kva slags fag skulen din tilbyr. Kanskje du finn noko anna som passar til interessene dine.
- Snakk med vaksne:
Rådgivarar og lærarar kan gi gode råd om korleis du kan nå måla dine.
- Hald motivasjonen oppe:
Sjølv om du ikkje studerer det du helst vil, er all utdanning viktig. Du lærer alltid noko nytt.
- Bli med i aktivitetar:
Bli med på aktivitetar. Det gjer skuledagen betre, og du får nye erfaringar.
- Ver open:
Å vere open for nye ting kan gjere det enklare å tilpasse seg. Nytt kan vere bra, sjølv om det kjennest skummelt i begynnelsen.
Sjølv om starten er ein annan enn du håpa, er det mange vegar til mål. Ver open og aktiv, og utforsk nye fag. Då kan du oppdage nye draumar òg.
Les meir om å søkje vidaregåande på vilbli.no, utdanning.no og vigo.no.
1 / 2
