Etter mykje prøving og feiling kom nokon fram til at éin liter vatn skulle svare til éin kilo. Men vatn veg ulikt avhengig av om det er varmt eller kaldt. Vatn kan òg vere forureina.

Derfor reinsa (destillerte) dei ei mengde vatn for å få bort uønskte stoff. Så målte dei vekta av dette vatnet. På bakgrunn av dette støypte ein i 1799 ein prototype eller mal i platina for å vite kor mykje éin kilo skulle vere. Dette skulle vere likt overalt.

Målet var klart, men det hadde nokre manglar. Platina er nemleg mjukt, og små bitar vart etter kvart slegne av dei første kopiane. Dei vart unøyaktige.

Derfor blanda dei platina med eit hardare metall (iridium). Denne prototypen vart brukt fram til 2019. Han vert oppbevart i nærleiken av Paris.

Etter 2019 har prototypen for ein kilo endra seg. No blir det ikkje lenger brukt ein fysisk metallbit, men elektriske målingar. Men framleis er ikkje måleininga kilo heilt perfekt. Kanskje det er du som løyser dette ein gong i framtida?

Forsøka skjedde under den franske revolusjonen på slutten av 1700-talet. Dei som dreiv med ting som kongen ikkje forstod, kunne bli arresterte. Delambre vart arrestert fleire gonger fordi han klatra opp i tårn med merkelege apparat.

Prosjektet tok sju år og førte til at meteren vart definert.

Prototypen til ein meter vart laga i platina i 1799, og er no i Frankrike. Dessverre vart det gjort nokre feil i begynnelsen, så han er ikkje heilt korrekt.

Det var eit ønske om at meteren skulle bli eit internasjonalt mål. I 1875 vart meteren godteken. Kopiar av prototypen vart send ut i verda, og no blir meteren brukt i nesten alle land.