Vi ser dei første teikna på trøbbel ved at satellittane endrar hastigheita. Satellittar er menneskeskapte objekt som går i bane rundt jorda. Dei går i jamn fart og hjelper oss med mellom anna navigasjon. Når du brukar ein GPS, er det satellittane som fortel oss kvar vi er.

Flya våre navigerer med hjelp av GPS, og dei er heilt avhengige av at satellittane bevegar seg slik de skal. GPS-systema er ikkje laga for å takle store endringar i jordrotasjonen.

Dette får store konsekvensar for flytrafikken. Pilotane veit ikkje lenger kor dei er i forhold til dei andre flya som er i lufta.

Endringane skaper kaos. Naturen er i stor endring. Verdshava og atmosfæren endrar seg, og Russland opplever at landet sine  oljereservar ligg under vatn.

Over det meste av verda klarer menneske gradvis å tilpasse seg endringane. Storflaumar og oksygenfattig luft gir store utfordringar, og det det oppstår jordskjelv der det aldri har vore jordskjelv tidlegare.

Først forsvann vatnet frå dei grunne områda, men når polhava byggjer seg opp igjen, blir Storbritannia og mykje av Europa svelgde av eit nytt hav. London er borte, det same gjeld Moskva og Berlin. Historiske byar ligg no på havbotnen.

Dei fire årstidene er borte. Klimaet  blir no definert av lyst og varmt eller mørkt og kaldt. Om nettene kan temperaturen falle til minus 55 grader.

Mennesket slit med å tilpasse seg, og dei fleste dyreartar klarer det ikkje. Dyr som går i dvale, og som søv seg gjennom store delar av året, klarer seg betre. Dei er vane med å gå lenge utan mat.

Jorda roterer ikkje lenger, men hor framleis i bane rundt sola. Det fører til at det blir lys halve året, og mørker i det andre halvåret.

Det gamle konseptet med dag og natt er borte. No er det seks månader med soloppgang og dag, som blir følgde av seks månader med solnedgang og natt.