Ajatuseksperimentti:

Kuvittele mailman ilman öljyä!

Amerikkalainen Edwin Drake oli ensimäinen joka poras öljyä maasta. Tämä tapahtui vuona 1859. Sen jälkhiin oon mailma ollu täysin henkkaavainen öljystä. Joko siitä öljystä jota löytyy maapörästä, tahi siitä joka oon merenpohjassa.

Mutta mitä jos mailmassa ei ennää olis öljyä?

Oljeplattform i sjøen
Oljeplattform i sjøen

Polttoainet

1800-luvun lopussa tulthiin ensimäiset biilit joissa oon bensiinimotori. Se ei kestäny niin kauvon ennen ko ensimäiset sähköbiilit otethiin käytthöön. 1990-luvun keskivälistä lähtiin oon sähköbiilit tullu tavalisemiksi.

  • Miksi monet ostavat vieläki bensiini- ja dieselikäyttösiäbiiliä?
  • Miksi ei saateta lopettaat laittamasta biiliä jokka kulkevat bensiinillä?

 

En fyller bensin på bilen sin
En fyller bensin på bilen sin

Kuljetus

Lastibiilit, laivat ja flyyit frahtaavat ruokaa, vaattheita ja elektrisiä apparaattia ympäri mailmaa. Usheimat näistä kulkuneuvoista oon henkkaavaiset polttoainheesta jonka oon laitettu öljystä.

  • Miksi kuljetusala ei ala käyttämhään elektrisiä biiliä ja flyyiä?
en lastebil parkeringsplass
en lastebil parkeringsplass

Ökonomia

Monet maat oon täysin henkkaavaiset öljyn myymisestä, ja tämän tähen oon Norjasta tullu yksi mailman rikkhaimista maista.

  • Mitä tapahtuis Norjan ökonomialle jos kukhaan ei ennää saattais työtelä öljyalala?
  • Miksi öljy saapi aikhaan konfliktia maitten välilä?
Flere stabler med mynter.
Flere stabler med mynter.

Työttömyys

Ajattele kunka monet työtelevät öljyalala. Työtelevätpä het sitte öljyrustingilla, bensiinin ja dieselin produksuunissa öljyraffinerissa, öljyrustingitten rakentamisessa, polttoainheitten kuljetuksessa tahi bensa-asemilla.

Mitä het tehtäis jos öljyä ei ennää olis?

En mann sitter utenfor jobben han akkurat har mistet
En mann sitter utenfor jobben han akkurat har mistet

Ruankaltiot

Het jokka laittavat ja myyvät ruokaa, oon henkkaavaiset traktorista ja lastibiilistä jokka käyttävät bensiiniä tahi dieseliä. Ei se ole monta traktoria tahi lastibiiliä jokka kulkevat sähkölä.Miksi luulet ette ei?

  • Mitä ilman sie häytyisit pärjätä jos taravankuljetus ulkomailta heittäis toimimasta?
  • Kunka norjalaiset puunat pärjättäis ilman traktoria?
Tomme butikkhyller med kun noen pakker med kjøtt igjen
Tomme butikkhyller med kun noen pakker med kjøtt igjen

Voimankaltiot

40 prosenttia mailman sähköstä tullee hiilivoimaloista. Ilman tätä hiiltä sähköstä olis suuri puutet.

  • Miltä sinun arki näyttäis jos sinula olis sähköä vain muutama tiima päivässä?
  • Mitä sie prioriteeraisit?
En stor by uten lys
En stor by uten lys

Sähköbiilit

Usheimat mailman kaupungit oon rakenettu biiliä varten, ja se ryötyttää ympäristöä paljon. Yksi alternatiivi tälle oon sähkön käyttö.

  • Mitä luulet ette tarvithaan niin ette yhä useampi valittis ostaat elektrisen biilin?
  • Koska luulet ette bensiinikäyttöset biilit oon histooriaa?
El-biler lader
El-biler lader

Polttoainetta eli ruokaa?

Monet biilimotorit käyttävät ruokaöljyä jonka oon laitettu esim. maissista tahi rapsista. Tätä polttoainetta kuttuthaan HKÖ:ksi (hydratoitu kasviöljy). Se meinaa ette polttoainheen laitethaan kasvista, ja kasvit oon uusintuvat.

Mitä etuja sie luulet HKÖ:stä saattaa olla?

  • Oonko oikhein pittäät ruokaa polttoainheena?
En dame heller olje i stekepannen
En dame heller olje i stekepannen

Plastikki

Plastikin oon laitettu öljystä. Olema hirmu henkkaavaiset plastikista.

Pari esimerkkiä tästä oon kymmihanskat, vaseliini ja plastikkifrakit. Kunka tämän kaiken saattaa laittaat ilman öljyttä?

Ajattele mitä kaikkea sie piät, jonka oon laitettu plastikista. Millä saattaisit korvata net? 

To leger finner legemidler
To leger finner legemidler

Loppuvatko soat?

Asheitten produseeraamisheen tarvithaan raaka-ainheita niin ko öljyä ja rautaa. Monet haluavat turvata nämät raaka-ainheet ittelensä, ja siksi saattaa syntyät taistelu näistä resursista.

  • Oonko yhä maholista käyä sottaa ilman öljyttä?
  • Miksi öljy oon niin tärkeää sotimisessa?
Kamuflasjefarget bakgrunn.
Kamuflasjefarget bakgrunn.

Mistä met elämä öljyn jälkhiin?

Norja löysi öljyä Pohjaismereltä 1960-luvula, ja se teki meistä yhen mailman rikkhaimista maista. Nyt met olema täysin henkkaavaiset öljystä.

Sinä päivänä ko öljy loppuu, met hääymä löytäät muita tapoja tienata rahhaa. Monila oon hyviä ideoita tähän.

  • Mihin Norja pittää satsata niin ette saama työpaikkoja ja tienastia tulevaisuuessa?

Kaltiot:

  • Gundersen, Nils; Lundberg, Nils H.; Norsk Oljemuseum: petroleum i Store norske leksikon på snl.no.
    Hentet 11. januar 2022 fra https://snl.no/petroleum

Kuvat ja videot:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images
    9. Getty Images
    10. Getty Images
    11. Getty Images
    12. Getty Images
Close Icon

Loading...