Etikki ja moraal
Kaikila ihmisillä oon sama oikeus päättäät ittestä ja omasta elämästä. Se meinaa ette met häymä kunnioittaat niitä päätöksiä jokka muut tekevät, ja muut häytyvät kunnioittaat meänki valintoja.
Pikku hiljaa ko sie vanhenet, sie saat aleti enämen oikeuksia päättäät ittestästi ja omasta tulevaisuuesta. Sie päätät muun myötä missä sie haluat asuat, missä sie haluat käyä koulua ja minkä kans sie haluat työtelä. Nämät saattavat olla vaikeat valinat, mutta sitä ei löy’y oikeaa tahi väärää vastausta sinun valinoile.
Ko sie siiryt elämhään ominpäin, kukhaan ei ennää muistele sinule mitä sie piät tehä. Sie olet vapaa tekemhään mitä sie haluat, joka ikinen päivä. Se kuulostaa piian aivan fantastiselta, mutta muista ette kaikila valinoila oon konsekvensit.
Joilaki valinoila oon konsekvensit vain sinule, toisila oon konsekvensit muile.
1 / 2
Mange veivalg
Oikea ja väärä
Ko met aioma luua ittelemmä hyvän elämän, se oon tärkeätä tehä oikeita valintoja. Met saatama esimerkiksi valita olla hyvä vai huono ystävä, tahi hyvä vai huono kolleega työpaikala.
Met saatama valita olla reheliset ja tehä meän parhaama, tahi met saatama valehella ja varastaat ette sauttaisima jotaki ilman työtelemättä sen etheen.
Jos sie haluat oppiat tekemhään hyviä valintoja, sie piät ensistä oppiat vähäsen sen ympärit mitä etikki ja moraali oon.
Moraali
Moraali oon yhtheiskunnan käsitys oikeasta ja väärästä, elikkä yhtheiset reekelit jokka jälläävät yhtheiskunnassa. Esimerkiksi opima jo nuorena ette met emmä saa varastaat, valehella tahi olla ilkeät muile. Meän yhtheiskunnassa oon monia tämmösiä reekeliä, ja muutaman niistä olet saattanu niin kauvon ettet ajattelekhaan ette net ylipään oon reekelit. “Niin” se vain oon.
Etikki
Simppelisti selitettynä saatama sanoat ette etikki oon meän ajatukset moraalin ympäri, elikkä se oon opetukset moraalista.
Ko met puhuma etikistä, met puhuma siitä miksi joku oon oikhein tahi väärin. Miksi luulet ette met emmä saa varastaat, valehella tahi olla ilkeät muile?
1 / 3
Mann holder skilt for rett og galt
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
