Vapaaehtosuus
Sanassa “vapaaehtonen” oon kaksi sannaa: vapaa ja ehtonen. Ko sie tehet jotaki vapaaehtosesti, niin sie tehet sen vaphaala tahola eli ehola etkä oota mithään palkkaa työnpanosta. Mutta piian sie sautat jotaki muuta.
Oma vuosi ja oma päivä
Vapaaehtosuus sai oman vuuen vuona 2022, mutta sillä oon kans oma päivä. Joka vuosi desemperikuun 5. päivänä jaethaan Norjassa vapaaehtosuuspalkinon.
Palkinon annethaan ihmiselle tahi roikale joka oon tehny oikhein hyvän työn eriliikasesti ko kysymys oon vapaaehtosesta työstä.
Ko YN päätti antaat vapaaehtosuuele kokonhaisen vuuen ja merkkipäivän joka oon joka vuosi, niin oon se siksi ette YN toivoo ette teema saapi enämen huomiota.
Miksi vapaaehtosuus oon tärkeää?
Se oon yksi YN:n päämoolisetningistä ette luua mailmhaan rauhan. Ja vapaaehtonen työ saattaa olla myötä lissäämässä lähimäisyyttä ja toistema ymmärtämistä. Vapaaehtosuus saattaa olla askel oikehaan suunthaan kohti parempaa mailmaa!
Vapaaehtosuuspäivän moolit:
-
- Saaha enämen ihmisiä työtelemhään vapaaehtosesti.
- Tehä useampia areenoita sautettaviksi.
- Luua enämen tuntemusta siitä lisäarvosta mitä vapaaehtoset antavat samfynnille.
1 / 3
Fargerike armer av papir strekker seg mot jordkloden i midten.
Höh? Tehä ilmasta työtä?
Jos tehemä työn, niin ootama ylheensä jonkunlaisen rahalisen makson. Palkkio kullassa tahi myntissä saattaa kuorata kauvas aikhaan, mutta se oon kans ollu tavalinen maksaat palveluksina tahi skenkkinä.
Samfynni missä maksethaan palveluksista toisila palveluksila, kuttuthaan vaihetussamfynniksi. Yksi esimerkki oon, ette jos leikkaat ruuhoa sinun krannile niin hän saattaa ruokkiat sinun kissaa ko olet feeriällä.
Miksi pitäisimmä työtelä vapaaehtosinna?
Tääpänä met tavalisesti ootama ette saama makson rahana siitä työstä mitä tehemä. Sehän oon tärkeä syy siihen miksi työtelemmä! Miksi häytyisimmä mellata ittemä ilmasheen työhön?
Vapaaehtosella työlä meinathaan sitä ette sie työtelet sitä varten ette annat jotaki yhtheisölle. Se ei ole siksi ette haluat rahhaa takasin.
1 / 2
Nærbilde av en gressklipper som klipper gress.
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
