Luonto- ja kulttuurimaisemat

Maisemaa jota ihmiset ei ole muuttanheet, kuttuthaan luontomaisemaksi. Luontomaisemissa vain maan sisäset ja ulkoset voimat muokkailevat maisemaa. Sisäset voimat oon muun myötä maanjyristykset ja vulkaanitten ulospuhalukset. Ulkoset voimat oon esimerkiksi sää ja tuuli.

Maisemaa jota ihmiset oon muuttanheet, kuttuthaan kulttuurimaisemaksi. Kulttuurimaisema saattaa olla ala jonka oon viljelty, tahi jonne oon rakenettu huonheita ja teitä.

Industriellin revolusuunin jälkhiin monet siirythiin kylistä kaupunkhiin. Kaikki kaupungit ja tivispaikat oon kulttuurimaisemat.

Forrige avsnitt

1 / 2

Neste avsnitt
Vulkanutbrudd
Vulkanutbrudd

Pakkashalkeaminen

Ulkoset voimat ei muuta maata liika dramaattisesti ko sisäset voimat. Tuuli ja hieta hiovat vaaraa hithaasti, suunile samhaan laihiin ko met hioma hietapaperia puupalasta vasten. Jos vesi jätyy kallionhalkeamassa, se paisuu. Sillon lohkeaa pieniä palasia kalliosta. Tätä kuttuthaan pakkashalkeamiseksi.

Aurinkohalkeaminen

Jos aurinko lämmittää kiven, se paisuu. Jos tullee kylmä, niin kivi vettäytyy. Lopulta se halkeaa pienemiksi osiksi. Tätä kuttuthaan aurinkohalkeamiseksi.

Sitä ette palasia lohkeaa vaarasta ja sää ja tuuli kujettavat net pois, kuttuthaan erosuuniksi.

Laksot

Joet ja ojat kaivavat ittensä vähitellen kivhiin ja saattavat luua laksoja. Tämä viepi aikaa, mutta met saatama nähä sen maisemissa V-laksoina.

Jäätiköt haamustavat kans maisemaa. Ko net liikkuvat, net vievät myötänsä irtokiviä ja hiovat pintaa. Sen met saatama nähä U-laksoina. 

Forrige avsnitt

1 / 3

Neste avsnitt
Birkedalsbreen
Birkedalsbreen

Luonto- ja kulttuurimaisemat Norjassa

Østlandetissa, Trøndelagissa ja Jærenissä oon maisema joukon tasanen. Täälä oon helppo viljelä maata. Tämä oon tyypilinen kulttuurimaisema jossa ihminen oon hakanu mettää, viljely maata, luonu laitumia ja rakentannu huonheita.

Mettä

Noin kolmasosa Norjasta oon mettää. Tämä oon kans kulttuurimaisema siksi ko met olema kaatanheet puita ja istuttanheet uusia puita. Met piämä mettä ko met hankima hirsiä ja puita, ja kans ko met haluamma leppäilä.

Bærtur
Bærtur

Vaara-alat

Norjassa oon monta vaara-allaa. Täälä oon ihmiset kautta aioitten rakentanheet hyttiä, hihtaamarustinkia ja patoja, ja pitänheet eläimiä laitumilla. Tämän tähen oon kans suurista vaara-aloista tullu kulttuurimaisemaa, mutta enimästi alat oon luontomaisemia. Laajoja aukeita vaara-aloja kuttuthaan tunturiksi. Sielä kasuaa matalaa koivumettää, ja sieltä löytyy vettä, vuomia ja avotunturia.

hardangervidda
hardangervidda

Rannikko

Pitkin rannikkoa oon saaria, karia ja holmia. Täälä leikkautuvat vuonot kans syväle maahan. Mailman pisin vuono oon Sogninvuono Vestlandetin fylkissä.

Ihmiset asetuthiin asumhaan varhain pitkin rannikkoja, vuonoja ja jokia siksi ko net toimithiin kulkuteinä. Se oli helpompi reisata venheelä ko kulkeat vaaroitten yli.

Utsikt fra preikestolen
Utsikt fra preikestolen

Luontoaloitten suojeleminen

Se oon tärkeä suojela meän luontomaisemia. Met tarvittemma luontoa jossa ei ole asutusta, hihtaamahissiä tahi tuulimyllyjä. Vasituishiin alhoin oon perustettu kansalistarhaita. Sielä ei kukhaan saa rakentaat tahi muutela luontoa.

Muissa paikoissa oon luontoreservaattia. Sielä oon maholisesti kasvia tahi eläimiä jokka oon rauhoitettu. Tämä meinaa ette niitä eläimiä ei saa pyytäät ja ette niitä kasvia ei saa poimia

Meilä oon oikeus kulkeat vaphaasti kaikissa ulkokentissä. Ulkokentät oon aloja joita ei ole viljelty tahi aiattu. Sisäkentät oon laitun- ja viljelysaloja tahi kartanoita.

Miksi oon niin tärkeä ette ei saa jättää mithään muuta ko jalanjälkiä luonthoon?

Forrige avsnitt

1 / 2

Neste avsnitt
Naturreservat skilt forran en fjord
Naturreservat skilt forran en fjord

Kalttiit:

  • Bryhni, Inge: erosjon i Store norske leksikon på snl.no. Hentet 17. februar 2022 fra https://snl.no/erosjon
  • Toldnæs, Jens Petter; Lundberg, Anders: nasjonalpark i Store norske leksikon på snl.no. Hentet 17. februar 2022 fra https://snl.no/nasjonalpark
  • Frislid, Ragnar: naturreservat i Store norske leksikon på snl.no. Hentet 17. februar 2022 fra https://snl.no/naturreservat

Kuvan ja videon oikeudet:

  1. Getty images
  2. Getty images
  3. Getty images
  4. Getty images
  5. Getty images
  6. Getty images
  7. Getty images
Close Icon

Loading...