Meiđän kaunis mailma – Amerikka
Meiđän mailmassa oon paljon jännittääviitä paikkoi.
Tässä artikkelissa sie opastut 10 erikoisheen paikkhaan Amerikassa.
Las Vegas
1. Vaphauđenpattas | USA
Vaphauđenpattas seissoo yhđelä saarela New Yorkin ulkopuolela.
Jos sie otat lautan saarele, sie saatat nähđä sen likeltä käsin.
Pattas oon melkhein 100 meetterin korkkee.
Sie saatat mennä trappui ylös huipule. Sielä oon sijjaa tyhä kahđeletoista persoonalle kerrala.
Pattas oli skenkki Franskalta USA:le. Sen paljastethiin vuona 1886.
Vaphauđenpatthaan oikkeessa käđessä oon fakkeli ja vasemassa käđessä oon taulu. Nämät oon symboolit siitä ette kaikila oon oikkeus elämhään vaphauđessa.
1 / 3
Frihetsstatuen New York
2. Machu Picchu | Peru
Machu Picchu oon raunio-kaupunki Perussa. Inka-kansa asui sielä monta sattaa vuotta aikkaa.
Kaupungin havaitti Hiram Bingham vuona 1911.
Inka-kansa oli rikas ja mahtaava.
Het rakenethiin Machu Picchun 1400-luvula.
Spanialaiset vallathiin Inkariikin vuona 1532. Machu Picchun jätethiin sen jälkhiin.
Tuhanet turistit reisaavat tääpänä ikivanhaata kaupunkkii. Sie häyđyt juttaat vanhaata inkapolkkuu myöten sinne. Polku mennee jungelin läpi vaarale mikä oon 2000 meetterii meren pinnan yläpuolela.
Sie saatat mennä kans tookila tahi bussilä sinne.
Tiesitkö ette … ?
Uuđen tutkimuksen jälkhiin saattaa Machu Picchu olla vanhempi ko arkeoloogit ensisti luulthiin.
1 / 4
Machu Picchu
3. Niagara Falls | Pohjais-Amerikka
Niagara Falls oon gigantinen kurkkii USA:n ja Kanadan rajala.
Nämät oon oikkeestansa kolme eri koskee: Horseshoe Falls, Amerikan Falls ja Bridal Veil Falls.
Tuhanet turistit reissaavat tämän kuulun kurkkiin tykö joka vuosi. Täälä saatat ottaat selfien kurkkiin eđessä.
Sie saatat kävelä tahi ajjaat piililä kurkkiin tykö.
Kurkkiista huilaa 2400 kubikkimeetteri joka sekunti.
Kubikkimeetteri vettä oon 1000 liitteri.
1 / 3
4. Galápagossaaret | Equador
Galápagossaarila oon uniikki luonto eläville ja kasvuile. Se löyttyy tyhä täältä.
Charles Darwin sai ideen evolusuuniteoriasta ko hän kävi saarila vuona 1835.
Saarten erikoiset elläimet oon muun myötä galapagospingviini, meri-iguaani ja linttui millä oon siniset jalat.
Saaret oon saanheet nimen elefanttikilpikonnan jälkhiin mikä assuu sielä. Kilpikonna oon galapagos spanskaksi.
Krystallikirkkhaassa meressä oon yli 2900 lajjii. Siksi saaret oon hyvin populääri sukalttaajile.
Täälä oon lämmin ja kostee vuođen ympäri.
1 / 3
Galapagosøyene
5. Mount Rushmore | USA
Mount Rushmore oon vaikuttaava näky. Se kesti 14 vuotta ko 400 työteliijältä hakkas neljen presidentin naamat vaarhaan.
Nämät nelje presidenttii oon tärkkeet vestamaitten histooriassa.
Vasemalta näjemä George Washington, Thomas Jefferson, Abraham Lincoln ja Theodore Roosevelt.
Alan alkupöräiskansat pittäävät tätä vaaraa pyhänä. Het asuthiin Amerikassa ennen ko eurooppalaiset tulthiin. Het meinaavat ette Mount Rushmore oon pilanu luonon.
Tiesitkö ette … ?
Legolandissa oon Moun Rushmore jonka oon pykätty 1,5 miljuunasta legoklossasta.
1 / 4
6. Rio de Janeiro | Brasiili
Rio de Janeiro oon se kaupunki Brasiilissa missä käyđhään enniiten.
Täälä oon valkkeet rannat ja korkkeet vaarat.
Usheimat turistit käyvät pitkälä rannala jonka nimi oon Copacabana.
Sokkerilaki oon kaunis 400 meetterii korkkee vaara Riossa. Sinne mennee köysibaana. Näkymä täälä oon fantastinen.
Fepruaarikuun karnevaalit oon iso elämys. Silloin tansathaan sambaa ja juhlithaan janturin ympäri.
Toinen suuri elämys oon nähđä valttaavan Kristuspatthaan. Se seissoo toisela vaaranlajela, ja oon 710 meetterii meren pinnan yläpuolela.
Sie piđät ensisti reisata tookila, ja sitte kävelä 220 trappuu ylös ette pääset sinne.
Sielä ylhäälä oon fantastinen näkymä.
1 / 3
7. Grand Canyon | USA
Grand Canyon oon lakso jonka Coloradojoki oon luonu. Sen seinissä näkkyy yli 40 eri maatyyppii.
Lakso oon melkhein 450 kilomeetterin pitukainen.
Aurinko paisaa kesälä, mutta sielä oon kans puita joitten alla oon kalvheet.
Talvela lumi peittää lakson, ja se näyttää kaunhiilta joulukortilta.
1 / 3
Grand Canyon
8. Sađetmettä | Etelä-Amerikka
Amazonas oon mailman suuriin sađetmettä. Se oon suurempi ko EU ja ulottuu yhđeksheen Etelä-Amerikan maahan.
Täälä saatat nähđä tuhanssii eri elläinlajjii. Sie saatat nähđä pikkuapinan keisaritamarinin, jaguaariita, krokotilliita ja roosanfärissii delfiiniitä.
1 / 2
Amazonas
9. Las Vegas | USA
Las Vegas näkkyy kirkkhaana maapallola ko sitä kattoo avaruuđesta.
Kaupunki oon niin ko suuri tivoli, ja monet turistit reisaavat sinne pellamhaan kasinoissa.
Tunnetut artistit pittäävät konserttiita sielä ja se oon resturanttiita koko mailmasta. Sie saatat kans ostaat fiinii vaattheita tahi pittää sommaa spassa.
1 / 2
10. Volcán Arenal | Costa Rica
Costa Rican tulivaara Arenal oli aktiivinen vielä muutama vuosi aikkaa. Tulivaara purkkautui yli 40 kerttaa päivässä.
Nyt se päästää tyhä savvuu ja saapi maan tärisemhään vähäsen.
Tulivaara näkkyy selvästi Volcán Arenalin kansalistarhaassa.
Se ei ole mahđolista mennä itte tulivaaran pääle, mutta sen saattaa nähđä ilmasta käsin.
1 / 2
Vulkanen Arenal
Kalttiit:
- 101 steder du må oppleve (før du dør) (2020)
Orage Forlag AS
- Frihetsstatuen i Store norske leksikon på snl.no.
Hentet 2021 M08 25 fra https://snl.no/Frihetsstatuen
- Siverts, Henning; Opsvik, Tor: Inkariket i Store norske leksikon på snl.no.
Hentet 2021 M08 25 fra https://snl.no/Inkariket
- Forskning.no (23.08.21): Sommerpalasset Machu Picchu kan være eldre enn forskerne trodde
https://forskning.no/arkeologi/sommerpalasset-machu-picchu-kan-vaere-eldre-enn-forskerne-trodde/1894867
Kuvat:
-
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
