Meiđän kaunis mailma – Oseania
Meiđän mailmassa oon lukemattomiita uniikkiita, mystissii ja kaunhiita paikkoi. Luonto oon formanu meiđän maisemaa ympärillämä miljuuniitten vuossiin aikana ja met ihmiset olema kans kaunistelheet maisemaa loistaavalla arkitektuurilla ja kaunhiila taiđettöilä.
Tässä artikkelissa näytämä esimerkkiitä Oseaniasta. Tässä sie saat opastuut 7 erityisheen paikkhaan Oseaniassa.
Bora Bora med palmetrær, blå himmel og blått hav.
1. Great Barrier Reef | Austraalia
Great Barrier Reef oon mailman suuriin korallipankki. Korallipankissa oon usheita pienii koralliita. Koralli oon pikkuinen elävä millä oon kova kuori. Great Barrier Reefissä oon 3000 tämmöistä korallipankkii. Korallipankin keskelä sukaltaminen oon fantastinen kokemus.
Great Barrier Reef oon niin ko valttaava akvaariumi. Tässä oon yli 2000 kalalajjii mikkä lymmyilhään färirikkhaissa korallissa. Jos sie olet lykylinen, saat nähđä hyppääviitä delfiiniitä aalttoin välissä.
Korallipankki oon valttaava ja veđen temperatuuri oon mielyttäävän lämmin ympäri vuođen, ja siksi sukaltaminen ja snorklaaminen oon fantastinen kokemus.
Täälä saatat jopa tutkiit laivaa mikä uppos vuona 1911. Tätä piđethään yhtenä mailman parhaista hylkkyin sukaluskohtheista.
1 / 3
Mann dykker i korallrev med røde fisker rundt seg.
2. Franz Josef-jäätikkö | New Zealanti
New Zealanissa oon kolme jäätikköö. Suuriiman nimen oon Franz Josef-jäätikkö mikä oon 12 kilomeetterin pitukainen. Täälä saatat kävelä jäätikön päälä aamupäivälä ja uiđa rannala iltapäivälä.
Jäätikön oon nimitetty Öystäriikin keisarin Franz Josef I jälkhiin vuona 1865.
Maorit käskethään jäätikköö nimeksi “Ka Roimata o Hine Hukatere”. Tämä tarkoittaa Hine Hukataren jäätynheitä kyynelheitä. Maorit oon New Zealanin alkupöräiskansa.
Nimi tullee muisteluksesta missä pariskunta rakastuu toinen toisheen. Toinen oli lumiprinsessa ja toinen oli aivan tavalinen mies. Yhtenä päivänä het menthiin jumaliitten tykö ja pyyđethiin, saisko lumiprinsessa muuttuut ihmiseksi. Matkala sinne tölmäs ilmajumala miehen vaaran lajelta. Se teki Hine Hukateren niin suruliseksi ette hän itki kokonhaisen jäätikön.
Tämä suuri jäätikkö liikkuu melkhein 50 senttimeetterii päivässä. Sen alla oon luolii ja tunneliita mikkä muuttuuvat päivästä toisheen. Siksi yksikhään jäätikkövajelus ei koskhaan ole samanlainen.
1 / 3
Franz Josef isbreen på New Zealand.
3. Samoa | Tyvenmeri
Samoa oon pieni saariryhmä Tyvenmeressä. Täälä oon krystallinkirkasta vettä, valkkeita ranttoi, rehevii mettii ja kommeita koskii.
📷 Kuvateksti: Tradisunelli rantahuonet Samoassa.
Tulivaara oon luonu kaksi syvvää kuoppaa minkä välissä oon jännittäävä luola. Toisessa kuopassa käyvät sekä turistit ette talokkhaat uimassa.
Saarela Upolu oon pääkaupunki Apia. Täälä saatat opastuut samoalaisheen kulttuurhiin ja ottaat elämän rauhasti paikalisten taphaan myötä.
Apia oon paras paikka kokkeet fiafia-illan missä tradisunellii lauluu ja tanssii, färirikkhaita kostyymiita ja herkulinen päivälinen oon tarjola.
1 / 4
Strand på Samoa med tradisjonelt strandhus.
4. Lake Hillier | Austraalia
Lake Hillier oon kirkkhaanroosa järvi mikä sijaittee saarela Austraalian ulkopuolela.
Tutkiijat ei ole aivan sikkari miksi se oon roosa. Jokku luulhaan ette se johtuu algista, toiset luulhaan ette se oon eriskumhaisten bakteeriitten takia.
Järvi oon aivan sinisen Tyyvenmeren vieressä. Ylhäältä kattottunna näkö oon fantastinen.
Lake Hillier ei ole mailman ainua roosa järvi. Se mikä tekkee sen uniikiksi oon se ette veđen färi ei muutu jos sitä kaađethaan flaskhuun.
Järven löyđethiin englantilaiset eventyyrärit vuona 1802. Yhđen matkalaisista nimi oli William Hillier. Hän kuoli matkan aikana ja häntä kunnioitethiin sillä ette järven nimitethiin hänen jälkhiin.
Lake Hillier oon pieni järvi. Siitä kaivethiin suolaa muutaman vuođen aijan siihen saakka ko huomathiin ette suola oon myrkylistä.
1 / 3
Lake Hillier i Australia med sitt rosa vann, ligger rett ved siden av Stillehavet som er knall blått.
5. Rotorua | New Zealanti
Rotorua oon kaupunki missä oon paljon kuumii lähtheitä. Kuumaa gassii maan sisästä lämmittää vettä mikä karttuu pienhiin ja suurhiin järvhiin. Veđen temperatuuri saattaa nousta jopa 35 graadhiin!
Kaupungin oon kans tunnettu truiskuuvasta geysiristä. Geysir oon kiehuuvaa vettä mikä truiskuu maasta ylös. Tätä tapattuu vähhiinthään 20 kerttaa päivässä!
Rotoruasta löyttyy kans yksi mailman parhaista lattuista offroadsykläämistä varten.
Paikassa nimeltä Hells Gate saatat vajota lämpimhään, mukavhaan rapakkhoon. Sieltä saatat kattoot yhtä mailman suuriimista lämpimistä könkhäistä. Usheimat assiit Rotoruassa oon siis kuumaa!
1 / 3
6. Sydney | Austraalia
Sydney oon usheitten mielestä yksi mailman kaunhiimista kaupungiista. Oopperahuonet ja silta Sydney Harbour Bridge oon kaksi tunnetuimista pytingiistä.
Sillan tunnethaan fantastisista ilotulitusraketiista uuđenvuođenaattona. Oopperahuonet oon Austraalian tunnetuin pytinki.
St. Maryn katedraalila vieraileminen oon jännttäävää kans. Täälä oon kaunhiita klasimaalauksii ja fantastinen kirkkokuoro. Joulun aikhaan kirkon valaisthaan tuhansilla vaaloila.
Sydneyssä kojettavvaa oon paljon. Täältä löyttyy botaaninen haaki missä oon linttui, pörhöissii, reptiiliitä ja kalloi.
Sie saatat kans käyđä New South Walesin taiđetgalleriissa.
Sydneyssä oon yli 100 ranttaa. Tunnetuin oon pian Bondi Beach.
1 / 3
7. Uluru | Austraalia
Uluru oon korkkee vaara mikä oon keskelä auttiita, eikä sen ympärillä ole juuri mithään. Vaara oon 600 miljuunaa vuotta vanhaa ja oon 348 meetterin korkukainen.
Näyttää siltä ette vaara kiiluu oransinna ja punaisenna ko aurinko paistaa.
Austraalian alkupöräiskansa, aborgiinit, omistaa vaaran. Het pittäävät paikkaa pyhänä.
Ihmiset oon tokittain kiikkunheet Ulurun lajele ette nähđä auringonnousun sieltä. Sen kielethiin vuona 2019 sillä ko aborigiinit tykäthiin ette turistiita oli liikkaa.
Paljot menneevät silti mukale vaaran juuren ympäri. Kävelymatka oon nuoin 9 kilomeetterii. Täälä saattaa nähđä 5000 vuotta vanhoi luolamaalauksii.
Ulurussa oon paljon elävii, vaikka se oon keskelä auttiita. Tavalissiimat oon liskot ja käärmheet. Jos sinula käypi tuuri, saatat nähđä kenguruita ja harvinaissii, färirikkhaita linttui.
1 / 3
Det røde fjellet Mount Connor i Australia
Lähtheet:
- 101 steder du må oppleve (før du dør) (2020)
Orage Forlag AS
Kuva- ja video-oikkeuđet:
-
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
