Puita kaađethaan hehtari hehtarin pörhään ette valmistaat mahonkii, tiikkii, setripuuta, merbauta ja muitaki arvokkhaita puusorttii. Näitä käytethään mööpeliitten, venheitten ja fiiniin terassilaattiitten valmistamisheen.

Miljöösuojeliijat oon arvelheet ette 75 prosenttii mailman sađetmettistä oon joko hävitetty tahi tuhottu puunhakon takia.

Karjanpitoki syöpi yhä isoman palan sađetmettistä, ja tulvan uhkaamat alat lissäinttyyvät ja laajenttuuvat koko aijan.

Syynä oon ette ko puunat kaattaavat puita alas ittensä elläimille laitumiitten tekemiseksi, het poistaavat samassa sienieffektin minkä sađetmettä saapi aikhaan. Sen sijhaan ette sađetmettä immee suurii määrii vettä ja melko helposti jakelee sitä ympäristhöön, juuri hakatut alat tulviivat ennen ko vesi virttaa likheishiin jokhiin, mikkä jälkhiinpäin tulviivat jovenranttoin yli.

Puitten pieneneevä määrä vaikuttaa sekä paikalisesti ette globaalisti kliimhaan.

Joka kerta ko osan sađetmettästä hävitethään, alan oksygeenin produksuuni fotosynteesin avula vähenee. Kasviin kyky immet kassuuhuonetgassii ylös heikkenee ja net menettäävät niitten ylimääräiset karboonilaakerit mikkä oon tallessa sađetmettän alla.