Mikkä tulevaisuuenunistukset sulla oon?
Miltä kuvittelet ette sinun elämä tullee näyttämhään? Mikkä valinat oon sinun eessä, ja mihin suunthaan sie aiot kulkeat?
Tulevaisuus
Se oon vaikea tietäät kunka tulevaisuus tullee olemhaan. Ainua asia josta met saatama olla varmoja oon se ette tulevaisuus tullee, yksi päivä kerrala. Tulevaisuus saattaa siksi olla jotaki joka tapattuu heti – tahi pitkän aian päästä.
Joku pelkäävät sitä, toiset oottavat sitä innola, ajatellen niitä pieniä ja suuria muutoksia jokka tulevat tapattumhaan ittensä elämässä.
EN dame som sitter og ser utover sjøen
Tulevaisuuentoivheet
Se mistä met unistelema, muuttuu pikku hiljaa ko met vanhenemma. Pienet lapset saattavat unistella tieraamisesta tahi syömisestä, ko taas teinit piian unistelevat rakastumisesta tahi siitä ette voittaa OL-kullan.
Piian jokku unistelevat vasituisesta työpaikasta, asumapaikasta, tahi siitä ette saavat paljon rahhaa. Het saattavat unistella siitä ette assuu maala tahi kaupungissa, tahi piian aivan toisela puolela mailmaa.
Mistä sie unistelet?
Jente som står å ser ut i luften og smiler
Valinoitten tekeminen
Met häy’ymä ushein tehä valintoja, ja se oon vaikea tietäät, oonko net oikeat vai väärät. Piian valinta koskee opintoja, työpaikan kokkeilemista tahi vapaavuuen ottamista? Maholisuuksia oon monia.
Ajattele tätä: Kyset ei ole siitä miksi sie haluat tulla tahi siitä, ette tämä olis sinun elämän tärkein valinta. Sie olet jo jotaki – ja se oon aina maholista valita uuesti.
Bilde av føtter med masse piler rundt
Sie saatat aina tehä uusia valintoja
Valinat jokka tehemä saattavat olla sekä viishaat ette tyhmät. Hienoa tässä oon se ette tyhmät valinat saattavat opettaat meile jotaki hyö’ylistä. Met saatama tehä uusia valintoja hiljemin. Valinat saattavat olla vaikeat, mutta net ei tasan ole ratkaisevan tärkeät sinun loppuelämälle! Ushein tulevaisuus haamustuu sattumitten kautta. Siksi se oon tärkeätä suunitella tulevaisuutta. Tärkkeintä oon piian se ette sie ajattelet sitä kuka sie olet tääpänä, ja ettet kanna muretta tulevaisuuesta liikaa.
Dame som står med armene ut og sr utover byen
Kalttiit:
- ks.no (16.02.22): Håp og drømmer
https://www.ks.no/fagomrader/barn-og-unge/barnevern/oppfolging-av-unge-med-barnevernserfaring/livsomrader-i-overgangen-til-voksenlivet/hap-og-drommer/
- linktillivet.no (16.02.22): Fremtid
https://www.linktillivet.no/filer/Fremtid_LINK.pdf
Kuvan ja videon oikeudet:
-
Getty images
-
Getty images
-
Getty images
-
Getty images
