Muisteliijat luothiin myyttii
Ensimäiset muistelukset muistelthiin leirinuotiolla. Met ihmiset muistelimma mitä met olima kokenheet ja jajoima tiettoo. Pikku hiljaa met aloima fantaseeraamhaan ja luomhaan runnoi.
Muistelukset selitethiin mystissii assiita luonosta mitä met emmä ymmärtänheet. Ko muistelukset levithiin etheenkäsin, net muututhiin.
Muisteluksista tuli kummalisemppii ja kammottaavamppii joka kerta ko niitä muistelthiin.
Het kekkä kuulthiin muistelukset ensimäistä kerttaa uskothiin ette kaikki oli totta, ja näin muisteluksesta tuli myytti.
Oletko sie koskhaan tieranu viskutteluleikkii? Jos olet, niin sie tieđät ette setninki tahi sana saattaa muuttuut ko se oon kulkenu ensimäiseltä persoonalta viimiselle. Met muistelemma sen minkä luulema ette met kuulima, mutta ushein met kuulema vähäsen väärin.
Ei se niin kummaa ole ette muistelus muuttuu ko sen muistelhaan monta kerttaa. Ko met muistelemma jotaki, se saattaa olla niin ette met muistelemma liikkaa ette tehä muisteluksen jännittäävämäksi ko se oikkeesti oon.
1 / 5
Huleboere rundt leirbålet
Leirinuotiolta filmiksi
Kaikissa maissa oon omat myytiset muistelukset.
Kreikassa muistelthiin minotaurin ympäri mikä oli puoliksi ihminen ja puoliksi purri.
Viikingit muistelthiin trolliin ja merikäärmheitten ympäri.
Merimiehet muistelthiin Krakenin ja muitten merimonsteriitten ympäri.
Myyttissii elläimii ja monsterii piđethään ushein filmiissä ja TV-seeriöissä. Sitä tehđhään ushein filmii vampyyriitten, ihmishukkiin, draakkiin, yksisarvisten ja kemppiin ympäri.
Ajattele vaikka Harry Potterii, Sormusten herraa ja Game of Thronesii.
1 / 2
Enhjørning
Kraken
Kraken muistutti hirmuisen issoo pläkkikallaa jolla oli pitkät tentakkelit. Se saattoi murskata purjetlaivoi ja nielaista koko miehistön kerrala.
Meri oli pölättäävä sillä ko ei kukhaan tieny mitä oli pinnan alla. Piian merimiehet olthiin nähnheet ison pläkkikalan mikä muuttui isomaksi ja vaaralisemaksi joka kerta ko muisteluksen muistelthiin.
Kentaurit
Kentaurit oon olenot mikkä oon puoliksi ihminen ja puoliksi hevoinen.
Myytti kentauriista oon saattanu synttyyt ko rattastaavat sotamiehet käythiin kanssoin pääle jokka ei koskhaan olheet nähnheet hevoissii aijemin.
Näky hevoisesta ja rattastaajasta näytti monsterilta.
Ihmishukat
Ihmishukasta oon paljon erilaissii myyttii.
Jokku muututhiin hukiksi ja toiset muututhiin hukan ja ihmisen sekoitukseksi.
Jokku muutethiin hukiksi rangaistuksena rikolisista tevoista ja toiset noiđuthiin hukiksi.
Ihminen oon aina pölänheet hukkaa koska ko se oon petoelläin.
Ko elläimet ja ihmiset tapethiin muita ihmissii, niitä piđethiin monsteriina. Se oli kans helpompi ajatella tappaajiita verenjanoisinna hukkina.
1 / 2
Vampyyrit
Vampyyrit olthiin ihmiset keitä lepakko oli purru.
Net jahđathiin muita ihmissii ette juođa niitten vertä.
Myytti vampyyriista oon ollu olemassa jo tuhanssii vuossii. Mutta usko vampyyrhiin lissäintyi 1700-luvula.
Siihen aikhaan vampyyrit naulithiin ushein kiini lyömälä rautaseiphään syđämen läpi. Silloin net ei saattanheet nousta hauđasta.
Luulthiin ette ihmiset keilä oon tauti porfyri olthiin vampyyrit. Tätä tauttii sairastaavat ei kestä auringonnäkköö. Niitten muođoissa kassuu karvaa ja hamphaat näyttäävät suuremilta koska ikenet oon nousheet ylöspäin.
1 / 2
Vampyr
Myyttiset monsterit kaikista kontinentista
CHUPACABRA | AMERIKKA
Chupacabra tarkoittaa keituri-immiijää spanskaksi. Se oon saanu nimen sillä se juopi keituriitten vertä.
YKUR | EUROOPPA
Ykur oon harmaaja hevoinen Islanista.
Jos sie rattastat sillä, se freistaa hukuttaat sinun. Sen kaviot oon kääntynheet väärin päin. Näin se eroittuu tavalisesta hevoisesta.
ADZE | AFRIKKA
Tämä afrikkalainen vampyyri oon tulikärpänen ko se oon vaphaana, mutta se muuttuu ihmiseksi ko se oon fangitettuna.
Ko tämä oon tulikärpäsen haamussa, se saattaa ryömiit avvaimenreijän läpi ja immeet vertä nukkuuvista ihmisistä.
MANTICHORA | AASIA
Mantichora oon olento jolla oon ihmispää, jalopeuran kroppi ja skorpioonin häntä. Se nielaissee saalhiin kerrala ja sillä oon kolme hammasrivvii.
BUNYIP | AUSTRALIA
Tämä monsteri hiiviskellee rämmeissä ja jovissa. Sitä oon kuvvailtu hirmuisen isoksi meritähđeksi.
Entä kontinentti Antarktikka? Oonko sielä myyttissii monsteriita?
1 / 5
Chupacabra
Lähtheet:
- Årets begivenheter innen historie og vitenskap (2021)
Orage Forlag AS
Kuvat ja videot:
-
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
