Oonko identiteetti syntypöräistä?

Meiđän identiteetti muistelee jotaki siitä kukka met olema. Kaikki oon uniikit ihmiset, eli meiđän identiteetti oon tärkkee. Saatamako muuttaat meiđän identiteettii vai pyssyykö identiteetti samanlaisena koko elämän?

Accessibility icon Oonko identiteetti syntypöräistä?

Mitä identiteetti oon?

Identiteetti ei ole syntypöräinen ominaisuus. Se oon assii mikä kehittyy aikkaa myöten. Identiteetti ei pysy samanlaisena koko elämää. Se saattaa muuttuat meiđän elämäntilantheen jälkhiin.

Sinun persoonallisessa identiteetissä oon kyset siitä ette sie tieđät kuka sie olet ja kuinka sie halluut olla. Se saattaa olla ette met näjemä ittemä joksiki eri laihiin ko kuinka muut näkkeevät meiđät. Tärkkeetä oon se ette kaikila oon oma identiteetti. Kaikki oon uniikit, ja se tarkoittaa ette kaikki oon erilaiset.

En ung mann som ser mot oss med lue og ring i leppa.
En ung mann som ser mot oss med lue og ring i leppa.

Roikkaidentiteetti

Roikkaidentiteetti oon sitä ette ihmisillä oon yhtheistrekkii muitten roikan jäseniitten kans. Se saattaa vaihetella sen jälkhiin mihin roikkhaan sie kuulut. 

 

Roikkaidentiteetti saattaa olla “met vaimot” tahi “met norjalaiset”. Piian se oon “jalkapallon ystävät” tahi “met korpsilaiset”. Näin met tunnema ette olema osa suuremppaa yhtheenkuuluuvuutta. Yhtheenkuuluminen saattaa olla sekä hyvä ette huono assii.

Toiselta puolen kattottunna meiđät ihmiset oon luotu olemhaan yhđessä toisten kans. Met olema sosiaaliset olenot ja meile oon tärkkeetä olla toisten kans. Mutta taas toiselta puolen se roikka mihin met kuuluma, ei välttämättä ole hyvä meile.

Piian roikka palvelee rasismii ja rikolisuutta tahi eđistää ittetuhhoo ja ryysiainheita

Forrige avsnitt

1 / 2

Neste avsnitt
Skolekorps i stor klynge med instrumentene hevet over hodet.
Skolekorps i stor klynge med instrumentene hevet over hodet.

Rollit ja ođotukset

Meiltä ođotethaan jatkuuvasti assiita sen jälkhiin kukka met olema ja mitä met tehemä. Tätä käskethään rolliksi. Sinun käytökseltä ođotethaan erilaissii assiita eri tilantheissa. Sinula oon erilainen rolli kotona, klassilomassa, työpaikala ja ystäviitten följyssä

Vaikkee täyttäät rollin ođotukset

Se saattaa olla joskus vaikkee täyttäät rollin ođotukset. Sie saatat epäonnistuut koulussa tahi jalkopallossa vaikka kaikki ođottaavat ette sie onnistut.

Ittensä asema saattaa kans vaikuttaat rollhiin. Se oon eri assii olla lapsi ja raavas, ja kaupan työteliijältä ja Norjan staatinministeriltä ođotethaan eri assiita.

Forrige avsnitt

1 / 2

Neste avsnitt
Undervisning i et klasserom der mange elever rekker opp hånda.
Undervisning i et klasserom der mange elever rekker opp hånda.

Rollit muuttuuvat aikkaa myöten

Rollit muuttuuvat aikkaa myöten. Sie kassuut lapsesta raavhaaksi. Ensin olet oppilas, ja sitte sie alat töihin, ja piian sinusta tullee vanhiin. Kaikki nämät tilat anttaavat sinule erilaissii rollii.

Jokku rollit oon formellit ko taas toiset oon epäformellit. Epäformellit rollit saattaavat esimerkiksi olla tytär, faari tahi oppilas. Formellit rollit saattaavat olla esimerkiksi sinun rolli työpaikala tahi asuntolaakin styyrissä.

Rollin muuttaminen

Jos sie käytät ittesti eri laihin ko mitä muut ođottaavat, se saattaa luođa epävarmuutta. Joskus se saattaa olla vaikkee nouđattaat reekeliitä kotona, koulussa tahi samfynnissä muutoinki.

Se saattaa olla vaikkee muuttaat sinun rollii. Jos sinun leimathaan riiđanhaastaajaksi tahi probleemilapseksi koulussa, sitä rollii saattaa olla vaikkee muuttaat.

Esimerkki tästä saattaa olla nuori joka kapinoittee ittensä vanhiimiita vasthaan. Toinen esimerkki saattaa olla ette nuorisolla ja vanhuksilla oon erilaiset näkemykset siitä mikä oon soppiivaa kielenkäyttöö.

Forrige avsnitt

1 / 3

Neste avsnitt
To tenåringsgutter plager en medelev ved en rekke med skap.
To tenåringsgutter plager en medelev ved en rekke med skap.

Rollinvaihetus

Kuinka sie käyttäisit ittesti jos sie ottaisit sinule toisen roolin?

  • sinusta tullee yhtäkkii 80-vuotias
  • sinusta tullee muori tahi faari
  • sie vaihetat uskonttoo
  • sinusta tullee Norjan staatinministeri
  • sie vaihetat sukupuolta
Sorthvitt bilde av en far og ung sønn der sønnen er kledd som faren i dress og hatt.
Sorthvitt bilde av en far og ung sønn der sønnen er kledd som faren i dress og hatt.

Sosialiseerinki

Sosialiseerinki tarkoittaa sitä ette sie opit kuinka sie piđät käyttäät ittesti samfynnissä. Sie piđät tiettäät mitä sinulta ođotethaan. Niin met opima eroittamhaan oikkeen väärästä.

Jos samfynnin reekeliitä ei nouđata, siitä tullee seuraamuksii. Pahhiimassa taphauksessa sie saattaisit jouttuut fankilhaan tahi saađa suuret sakot jos sie olet tehny jotaki rikolista. Mutta sinnuu saatethaan kans rangaista jos sie tehet jotaki väärin koulussa tahi kotona.

Forrige avsnitt

1 / 2

Neste avsnitt
En mann sitter med hodet bøyd i en fengselscelle.
En mann sitter med hodet bøyd i en fengselscelle.

Normiin rikkominen

Jos sie tehet jotaki aivan muuta ko se mitä samfynni ođottaa sinulta, niin sitä käskethään sosiaaliseksi poikkeemaksi. Se saattaa olla sekä positiivinen ette negatiivinen assii.

Se oon negatiivista jos se johtaa rikolisuutheen (lakkiin ja reekeliitten rikkomisheen). Se oon positiivista jos muutokset saavat samfynnin eđistymhään oikkeesseen suunthaan.

En ung mann med sort hettegenser, sort skinnjakke og hanekam med striper av gult og fiolett.
En ung mann med sort hettegenser, sort skinnjakke og hanekam med striper av gult og fiolett.

Sosiaaliset meediat

Sosiaaliset meediat oon monheen laihiin muuttanheet ihmisten identiteettii. Monet kokkeevat ette oon se oon tullu prässi siihen ette häyttyy esittäät täyđelistä. Toiset kuiten näyttäävät ittensä ilman filterittä. Se kuinka met esitämmä ittemä, sosiaalisissa meedioissa saattaa olla koko erilaista ko mitä met olema tođelisuuđessa.

Tämän tähđen se ei ole niin helppo löyttäät ommaa identiteettii. Yhtheiskunta, ystävät ja peret ođottaavat sinulta vissii tappaa käyttäät ittesti. Nämät ođotukset ei aina passaa sinun omhaan kuvhaan sinusta ittestä. Mitä se tarkoittaa ette olet oma ittesti, ja kuinka helppo se oonkhaan?

Kalttiit:

  • Skirbekk, Sigurd; Tjora, Aksel: sosialisering i Store norske leksikon på snl.no.
    Hentet 23. november 2021 fra https://snl.no/sosialisering

Kuvat ja videot:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images