Oonko identiteetti syntypöräistä?

Meiđän identiteetti muistelee jotaki siitä kukka met olema. Kaikki oon uniikit ihmiset, eli meiđän identiteetti oon tärkkee. Saatamako muuttaat meiđän identiteettii vai pyssyykö identiteetti samanlaisena koko elämän?

Accessibility icon Oonko identiteetti syntypöräistä?

Mitä identiteetti oon?

Identiteetti ei ole syntypöräistä, mutta se oon assii mikä kehittyy aikkaa myöten. Identiteetti ei pysy samanlaisena koko elämää. Met muutuma pikku hiljaa ko met vanhenemma.

Identiteetti oon sitä ette sie tieđät kuka sie olet ja kuinka sie halluut olla. Se oon tärkkeetä ette sie löyđät sinun oman identiteetin. Kaikki oon uniikit, ja se tarkoittaa ette kaikki oon erilaiset.

En ung mann som ser mot oss med lue og ring i leppa.
En ung mann som ser mot oss med lue og ring i leppa.

Roikkaidentiteetti

Jos sie olet myötä laakissa tahi korpsissa, sie saatat tuntteet roikkaidentiteettii. Silloin sinula oon jotaki yhtheistä muitten kans.

Roikkaidentiteetti saattaa siis olla “met jokka rakastamma jalkapalloo” tahi “met jokka pellaama korpsissa”. Yhtheenkuuluminen saattaa olla sekä hyvä ette huono assii.

Meiđät ihmiset oon luotu olemhaan yhđessä toisten kans. Met olema henkkaavaiset toisten följystä. Mutta se roikka mihin met kuuluma, ei välttämättä ole hyvä meile.

Piian roikka oon rasistinen tahi kriminelli, tahi siinä käytethään ryysiainheita.

Forrige avsnitt

1 / 2

Neste avsnitt
Skolekorps i stor klynge med instrumentene hevet over hodet.
Skolekorps i stor klynge med instrumentene hevet over hodet.

Rollit ja ođotukset

Sinula oon rolli niissä roikissa mihin sie kuulut. Het kenen kans sie olet, ođottaavat ette sie käytät ittesti visshiin laihiin eri paikoissa – kotona, käsipallolaakissa tahi fästissä ystäviitten kans.

Vaikkee täyttäät rollin ođotukset

Se saattaa olla joskus vaikkee täyttäät rollin ođotukset. Jokku ođottaavat sinulta assiita mihin sie et pysty tahi mitä et halluu tehđä. Sitä ođotethaan ushein ette sie pärjäät hyvin koulussa, ja joskus sie et piian pysty siihen.

Forrige avsnitt

1 / 2

Neste avsnitt
Undervisning i et klasserom der mange elever rekker opp hånda.
Undervisning i et klasserom der mange elever rekker opp hånda.

Rollit muuttuuvat aikkaa myöten

Rollit muuttuuvat aikkaa myöten. Sie kassuut lapsesta raavhaaksi. Ensin olet oppilas, ja sitte olet työteliijä.

Jokku rollit oon formellit, toiset oon epäformellit.  Epäformellit rollit saattaavat esimerkiksi olla tytär, faari tahi oppilas. Formellit rollit saattaavat olla esimerkiksi sinun rolli työpaikala tahi badmintoniklubin styyrissä.

Rollin muuttaminen

Se saattaa olla vaikkee elläät usheissa eri rolliissa. Jalkapalloträänäri ođottaa sinulta erilaissii assiita ko mitä sinun ystävät nuorisoklubissa ođottaavat.

Se ei ole niin helppo muuttaat sinun rollii. Jos sinun oon leimattu riiđanhaastaajaksi ja probleemilapseksi koulussa, sitä rollii saattaa olla vaikkee muuttaat.

Ko sie olet teini-ikhäinen, se oon helppo ottaat pääle uuđen rollin. Se saattaa näkkyyt vaattheitten valinassa, kielenkäytössä ja käytöksessä vanhiimiita vasthaan. Jokku kassuuvat teinirollin yli, ko taas toiset halluuvat jatkata pittäät sammaa rollii kans silloin ko heistä oon tullu raavhaita.

Forrige avsnitt

1 / 3

Neste avsnitt
To tenåringsgutter plager en medelev ved en rekke med skap.
To tenåringsgutter plager en medelev ved en rekke med skap.

Rollinvaihetus

Kuinka sie käyttäisit ittesti jos sie ottaisit sinule toisen roolin?

  • sinusta tullee yhtäkkii 80-vuotias
  • sinusta tullee muori tahi faari
  • sinusta tullee Norjan staatinministeri
  • sie vaihetat sukupuolta
Sorthvitt bilde av en far og ung sønn der sønnen er kledd som faren i dress og hatt.
Sorthvitt bilde av en far og ung sønn der sønnen er kledd som faren i dress og hatt.

Sosialiseerinki

Sosialiseerinki tarkoittaa sitä ette sie häyđyt oppiit kuinka sie piđät käyttäät ittesti samfynnissä. Sie häyđyt osata reekelit jokka jälläävät sielä missä olet. Sinulta ođotethaan jotaki kaikkialla. Niin opima eroittamhaan oikkeen väärästä.

Jos reekeliitä ei nouđata, siitä tullee seuraamuksii. Jos sie tehet jotaki rikolista, sie saatat jouttuut fankilhaan tahi saađa sakot. Jos sie tehet jotaki tyhmää kotona, sie saatat saađa kotiarrestin. Koulussa opettaajat saattaavat alenttaat sinun käytöksen karakteerii.

Forrige avsnitt

1 / 2

Neste avsnitt
En mann sitter med hodet bøyd i en fengselscelle.
En mann sitter med hodet bøyd i en fengselscelle.

Normiin rikkominen

Jos sie tehet jotaki aivan muuta ko se mitä samfynni ođottaa, niin sitä käskethään sosiaaliseksi poikkeemaksi. Se saattaa olla sekä positiivinen ette negatiivinen assii.

Se oon negatiivista jos se johtaa rikolisuutheen. Se oon positiivista jos muutokset saavat samfynnin eđistymhään oikkeesseen suunthaan.

En ung mann med sort hettegenser, sort skinnjakke og hanekam med striper av gult og fiolett.
En ung mann med sort hettegenser, sort skinnjakke og hanekam med striper av gult og fiolett.

Sosiaaliset meediat

Sosiaaliset meediat saattaavat olla sekä positiivinen ette negatiivinen assii. Monet kokkeevat ette oon syntyny painet esittäät täyđelistä, mutta toiset jakkaavat assiita ilman filterittä. Kuvat ja videot jokka met jajama sosiaalisissa meedioissa saattaavat anttaat hyvin erilaisen kuvan meistä ko mitä met olema toelisuuđessa.

Tämän tähđen se ei ole niin helppo löyttäät ommaa identiteettii. Mitä se tarkoittaa ette sie olet oma ittesti, ja kuinka helppo se oonkhaan?

Kalttiit:

  • Skirbekk, Sigurd; Tjora, Aksel: sosialisering i Store norske leksikon på snl.no.
    Hentet 23. november 2021 fra https://snl.no/sosialisering

Kuvat ja videot

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images