Sananvaphaus – Saatamako sannoot sitä mitä halluuma?
Sananvaphaus anttaa meile oikkeuđen sannoot sitä mitä meinaama. Mutta saatamako sannoot justhiin sitä mitä halluuma?
Mitä sananvaphaus oon?
Kuvittele ette joku estäis sinnuu sanomasta ittesti meininkkii klassissa. Ette sinnuu saatettais rangaista jos sie postaisit jotaki joka oon sinun mielestä tärkkeetä sosiaalishiin meedihoin. Ette sie saattaisit jouttuut fankilhaan jos sie kritiseeraisit hallitusta. Tahi ette staatti olis sensureeranu uutissii.
Pohjaismaissa oon harvinainen assii ette met häymä ajatella tämmöissii assiita ko met asuma täysissä demokratioissa jokka pittäävät huolta kansalaisista.
Sananvaphaus oon sinun oikkeus näihin assiissiin:
- Sannoot ittesti meiningin – niin kauvoin ko se ei ole vihamielinen tahi diskrimineeraava
- Vasthaanottaat ja jakkaat tiettoo
Sananvaphautta suojelee YK:n ihmisoikkeusdeklarasuunin artikla 19 jota koko mailma kuurttoo.
