Sinun sisäinen kello

Oonko sinusta vaikkee nukattaat illala? Tahi nousta ylös aamula? Tässä sie saatat oppiit mitä sinun kropissa tapattuu sen jälkhiin ko panet nukkumhaan kiini siihen saakka ko herräät.

Accessibility icon Sinun sisäinen kello

Janturirytmin kontrollisentteri

Kropissa oon jonkulainen kello. Tämä kello oon niin ko kontrollisentteri ja se oon syvälä aivoin sisälä. Kello ohjaa sitä koska sie nukattat, koska sie herräät ja koska sinule tullee nälkä.

Hormoonit ja näkö vaikuttaava

Janturirytmin kontrollisentteri saapi tiettoo nävöstä ja pimmeyđestä sinun silmistä.

Se saapi kans tiettoo unihormooni melatoniinilta. Ko sie nukut, melatoniinin määrä kropissa noussee.  Päivälä oon kropissa hirmuisen vähän melatoniinii.

Dame som sover
Dame som sover

Sie herräät

Aamula näkö tukkii silmäluomesta sishään. Silmät anttaavat käskyn aivoile siitä ette nyt oon uusi päivä.

Sinun sisäinen kello aloittaa sitte alusta. Kropin temperatuuri ja verenpaino nousseevat. Suoli mikä oon nukkunu alkkaa taas työtelemhään.

Forrige avsnitt

1 / 2

Neste avsnitt

Olet hyvässä vauhđissa

Sinun kropintemperatuuri noussee herräämisen jälkhiin. Sie ajattelet parhaiten kello 10:n jälkhiin aamupäivälä.

Sie saatat vaippuut murkinan jälkhiin. Silloin kannattaa olla fyysisesti aktiivinen.

Sie pysyt aktiivisena

Verenpaino ja kropintemperatuuri nousseevat koko päivän.

Ko kello oon nuoin 18, verenpaino laskee taas. Sama tapattuu kropintemperatuurin kansa.

Heti oon aika mennä levole

Ko ulkona alkkaa pimenemhään, produseeraa kroppi unihormooni melatoniinii. Sie vaivut ja halluut mennä levole.

Ulkopuoliset ja sisäiset vaikutukset
Puberteetissa kropin hormoonit muuttuuvat. Tämä saattaa vaikuttaat teini-ikhäisten janturirytmhiin. Monesta teiniistä tullee B-ihmiset näitten vuossiin aikana. Se meinaa ette het oon valpphaamat illala ja vaipunheemat aamula.

Käsifuuniissa ja muissa särmiissä oon sinistä näkköö joka pillaa yöunen. Tämä sininen näkö häirittee kropin sisäistä kelloo joka auttaa meitä nukattamhaan.

Kalttiit:

  • Kropp & Helse (2020)
    Orage Forlag AS

Kuva- ja video-oikkeuđet:

    1. Shutterstock
    2. Shutterstock
    3. Thinkstock / OxfordSparks – YouTube
    4. Shutterstock
    5. Shutterstock
    6. Shutterstock
    7. Thinkstock