Dei best kjende versjonane kjem frå Antipatros frå Sidon og Philo frå Bysants. Dei levde rundt 100 år før Kristus (f.Kr). Vi kan også nemne Kallimakhos frå Kyrene og den store historikaren Herodot. Kva som kom på listene deira, var avhengig av kvar dei reiste og av deira personlege meining. Fyrtårnet ved Alexandria er til dømes bytt ut med Istarporten i Babylon i nokre av listene.

Verdas høgaste 

Då pyramiden var ferdig, var han 146,5 meter høg. Ingen bygningar i verda var så høge før på 1300-talet, då Lincoln-katedralen i England tok rekorden.

Pyramiden er også veldig stor. Sokkelen er på 55 000 kvadratmeter, og heile pyramiden består av 2,3 millionar steinblokker.

I dag er pyramiden litt lågare enn han var, fordi sand og vind har slite bort dei øvste steinane. Likevel er han eit utruleg imponerande syn.

Det egyptiske samfunnet 

Vi veit framleis ikkje heilt sikkert korleis pyramidane blei bygde, men dei fortel oss at egyptarane var dyktige arkitektar og ingeniørar. Pyramidane er fulle av mysterium og spor etter dei som brukte dei. Ved å studere dei kan vi lære om korleis livet var i det gamle egyptiske samfunnet.

41 meter 

Mausoleet var teikna av to greske arkitektar, Pytheos og Satyros. Det var bygd opp litt som ei kake, med tre nivå i ulike stilar. Rundt kanten var det 36 søyler, og trapper som leidde opp til nivåa over.

På toppen av det spisse taket var det ein statue av ei vogn med fire hestar. Viss vi tek med statuen, var heile bygget cirka 41 meter høgt. Det var også andre skulpturar og dekorasjonar rundt grava på alle sider.

Lever vidare 

Grava vart truleg øydelagd av eit jordskjelv ein gong i middelalderen. Ein ting som lever vidare, er ordet «mausoleum». I dag bruker vi det om alle store og fine byggverk som er laga for å vere graver.

Bygd av tre 

Statuen viste Zevs på ei trone av sedertre. I den eine handa heldt han eit septer med ei ørn på. I den andre var det ein liten statue av sigersgudinna Nike. Heile statuen og trona var dekorerte med gull, elfenbein og edelsteinar. Prestane i tempelet var nøydde til å olje statuen mest heile tida for å beskytte han mot klimaet i Hellas.

Statuen var nesten 12 meter høg, og han fekk nesten ikkje plass i tempelet. Det vart sagt at viss Zevs reiste seg, ville han rive sundt taket.

Brann opp 

Folk reiste til Olympia for å sjå statuen i 800 år. Den galne romerske keisaren Caligula ville frakte han til Roma og byte ut hovudet med sitt eige. Det blei det aldri noko av.

Vi veit ikkje heilt kvar det vart av statuen til slutt. Det kan vere han vart frakta til Konstantinopel, og at han brann opp der. Tempelet vart øydelagt i år 426 etter Kristus (e.Kr.), så det er mogleg at statuen gjekk tapt då.

Ei kone med heimlengt

Ei av historiene om hagen var at kong Nebukadnesar II fekk bygd han til kona si, fordi ho lengta heim. Ho var frå det frodige landet Media, som låg der Iran er i dag. Tekstane fortel at bygget var ein serie av hagar i fleire etasjar, så det såg ut som eit fjell av blomstrar, plantar og urter.

Avansert vatning 

For å frakte vatn til ein opphøgd hage må ein få vatnet til å renne oppover. Det er ikkje lett. Ein teori er at dei brukte ein slags skrue som dytta vatnet oppover i eit rør. Oppfinnaren Arkimedes skreiv om ein slik skrue, men han levde lenge etter at hagane skal ha blitt bygde.

Ein annan stad 

Det kan ha vore at historikarane har teke feil, og at hagen ikkje låg i Babylon. Det står nemleg ingenting om hagen i babylonske tekstar, noko som er litt rart.

Forskarar ved Oxford-universitetet har funne tekstar om ein annan hage som vart bygd av kong Sankerib av Assyria. Kan det vere denne kongen grekarane snakka om? I så fall har ein leita på feil stad etter ruinane frå hagen.

Synleg på 49 kilometers avstand 

Den greske arkitekten Sostrados fekk jobben, og over ti år seinare stod det ferdig. Ein trur at tårnet var 140 meter høgt – det nest høgaste bygget i verda på den tida.

Tårnet var firkanta på botnen, åttekanta på midten og rundt på toppen. Det var rampar så ein kunne komme seg heilt til topps for å tenne elden. Når han brann, kunne ein sjå lyset 49 kilometer unna.

Jordskjelv 

Ei rekkje jordskjelv tok knekken på dette underverket. Ein trudde det var fullstendig borte på 1400-talet, men i 1994 fann ein steinar i sjøen rundt Faros, som kan ha tilhøyrt fyrtårnet. Egyptiske myndigheiter har sagt at dei har lyst til å byggje opp tårnet igjen.

Måtte byggast opp fleire gongar 

Tempelet hadde eit turbulent liv. Det vart nemlig øydelagt og bygd opp igjen fleire gongar. På 600-talet f.Kr. vart det teke av ein flaum. I år 356 f.Kr. brann det ned – ein mann som heitte Herostratos sette fyr på det for å bli kjendis. På 200-talet f.Kr. vart det plyndra av gotarane. Til slutt vart det heilt øydelagt i år 401 e.Kr., og berre éi søyle står igjen i dag.

Vakkert 

Den versjonen av tempelet som Antipatros dikta om, var nok den mest imponerande. Då var det 110 x 55 meter stort. Langsida var pynta med utskjeringar, statuar og 127 søyler. Inne stod ein statue av Artemis, gudinna for jakt og jomfrudom. Mange grekarar drog til Efesos for å ofre til henne.

Solguden 

Statuen var av solguden Helios, og han var bygd av jern og bronse. Skulptøren Khares frå Lindos fekk i oppgåve å designe statuen, for å feire ein militær siger. Ei legende fortel at statuen vart laga av våpna og utstyret til fienden dei hadde slått.

32 meter 

Statuen hadde utsyn over hamna og var cirka 32 meter høg. Kanskje heldt han også ei lykt eller eit spyd. Ein teiknar han ofte med eitt bein på kvar side av hamna, men det ville ikkje vore mogleg å støype noko slikt på den tida. Same kva vart han knust av eit jordskjelv i 226 f.Kr.

Seld som skrap 

Etter jordskjelvet låg statuen i bitar på bakken. I over 800 år kom folk for å sjå på bitane. Det blir sagt at få menneske klarte å få armane rundt tommelen til statuen, så han var nok ganske stor. Til slutt vart Kolossen seld som skrapmetall på 600-talet e.Kr. 900 kamelar måtte til for å frakte alle bitane.