Kva er kjærleik?

Kjærleiken er blind, han har ingen grenser, han er ei kraft som overvinn alt. Det er bandet som knyter oss saman og held oss i live.

Accessibility icon Kva er kjærleik?

Ved første blikk

Då du opna auga for første gong, såg du inn i to andre auge som lyste av mors kjærleik. Du var fullstendig avhengig av han for å overleva. Bandet mellom mor og barn er ei av dei sterkaste kjenslene vi kjenner til.

Nybakt mamma med babyen hennes på sykehuset
Nybakt mamma med babyen hennes på sykehuset

Underleg

Kjærleik er ei deilig kjensle, og ein tilstand som plutseleg fyller deg i møte med andre. Kjærleik er når du gir bestevennen din ein god klem etter å ha vore borte lenge. Eller når hunden din kjem springande mot deg i ekte gjensynsglede.

Border collie løper på en gresslette
Border collie løper på en gresslette

Vedunderleg 

Når vi blir fylte av kjærleik, føler vi tryggleik og aksept. Du er ein del av fellesskapet. Vi knyter oss til andre ved blikk og smil, og då kjenner vi oss kanskje elska – eller i alle fall at nokon tar vare på oss. 

To personer som holder hender under solnedgang
To personer som holder hender under solnedgang

Viktig

Alt mennesket treng, er andre menneske. Det er ikkje langt frå sanninga. Forskarar er einige om at kjærleik er ein viktig suksessfaktor for at barn skal utvikla seg best mogleg. Det gir dei tryggleik og ro, noko kroppen og sinnet faktisk treng for å utvikla seg normalt. Vi er avhengige av kvarandre. Tenk på det neste gong nokon smiler til deg.

En person som holder et hjerte i hendene
En person som holder et hjerte i hendene

Livsviktig

Kjærleik er i nokre samanhengar heilt avgjerande for liv og helse. Eit eksempel er barneheimsbarna i Romania som blei utsette for forferdeleg omsorgssvikt. Dei fekk så vidt mat, klede og tak over hovudet. Elles blei dei stort sett overlatne til seg sjølve. Resultatet var at dei fekk store problem med utviklinga.

Då dei blei redda og opplevde kjærleik, fekk dei òg etter kvart ei normal utvikling. Då nokon strauk dei vennleg på kinnet, blomstra dei. Det er sterke teikn på at vi ikkje klarer oss utan kjærleg og fysisk berøring.

Forrige avsnitt

1 / 2

Neste avsnitt
Gutt som sitter i et vindu og er lei seg
Gutt som sitter i et vindu og er lei seg

Heftig

Så er det kanskje derfor kjærleiken er ei så sterk kraft. Han får tida til å stå stille og jorda til å snurra. Kanskje har du allereie kjent på forelsking. Det er faktisk som ein rus for hjernen. Det er svimlande godt og samtidig nesten vondt å vera forelska. Og har du ikkje opplevd det enno – berre vent.

Godteri formet som hjerter
Godteri formet som hjerter

Pinleg

Kjærleik frå foreldra dine kan kanskje opplevast som ufatteleg urettferdig og kleint. Som når du ikkje får lov til å dra på den festen, eller mamma dukkar opp framfor deg og vennene for å flossa litt. Hugs at dei meiner det som ei kjærleikserklæring!

Far og datter danser sammen i stua
Far og datter danser sammen i stua

All You Need is Love

To karar ved namn John og Paul sa det slik i ein gammal popsong: All You Need is Love – alt du treng er kjærleik. Men er det så enkelt? Vi får det vi gir, blir det sagt. Så for kjærleikens skuld – gi eit lite smil til nokon.

Rød bakgrunn med hjerter

Love is Love!

Fotballkompisane og venninnene dine kan forelska seg i kven dei vil, akkurat som du kan. For no veit vi at «kjærleiken utheld alt, trur alt, håpar alt, toler alt». Det er henta frå Bibelen. Kva betre superkraft enn kjærleik finst det for å møta verda?

Pride flag i en Pride parade
Pride flag i en Pride parade

Kjelder:

  • Historie og vitenskap – 3 (2020):
    Orage Forlag AS
  • Vold, Jan Erik (2002): «Ta vare»
    I     kykelipi. Gyldendal Norsk Forlag.

Bilet- og videorettar:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images / LyndenDavidHall4ever  – YouTube
    9. Getty Images