Med handa på rattet
Det er du som skal sitje i førarsetet og vere sjåfør i livet ditt, og du må lære deg å komme til mål på livsreisa.
Kvart val du tek, fører i ei retning og nye eventyr. Nokre gongar er det lett å finne fram, andre gongar vil det kjennast som om du har køyrt deg bort. Viss du lærer å velje rett, blir du betre rusta til å finne rett veg dit du vil.
Å ta gode val
Du treng rette verktøy viss du skal kunne vere ein flink sjåfør som tar smarte val:
- Mål: Set deg eit mål, og køyr i rett retning.
- God skilting: Magekjensla di er som skilta langs vegen som fortel deg kva for veg du bør velje.
- Gode fjernlys: Kvar vil du vere om fem eller ti år? Ikkje mist målet av syne, sjølv om det kan verke langt borte.
- Clutchpedalen: Nokre gongar må du tråkke inn clutchen og gire ned. Kanskje du må stoppe på ein rasteplass for å tenkje deg om, heilt til du er klar til å halde fram på reisa.
Slik tar du ta gode val
- Tenk deg om: Ta deg tid til å vurdere moglegheitene dine og kva for konsekvensar dei får. Blir nokon andre påverka av valet ditt?
- Snakk med andre: Snakk med venner, familie og lærarar. Kanskje dei kan gi deg gode råd?
- Lær av feil: Alle gjer feil, det viktige er at vi lærer noko av dei.
- Ver modig: Nokre gongar er det vanskeleg å velje. Kva er det rette valet? Tru på at du klarer det likevel.
Bruk desse råda på reisa di gjennom livet.
1 / 3
En jente står foran på en seilbåt og ser fremover
Dine draumar, ditt val!
Har du tenkt mykje på kva du vil bli? Vil du bli ein berømt fotballspelar eller ein kjend forfattar? Ser du for deg eit liv med mange spennande eventyr? Framtida er full av moglegheiter!
Då du var liten, drøymde du kanskje mest om å leike. Men draumane dine har forandra seg no som du har vorte eldre. Vil du bu i byen eller på bygda? Kanskje du vil sjå heile verda?
Ungdomstida er perfekt for å utforske kven du er og kva du ønskjer deg. Kva drøymer du om å bli?
1 / 2
En gutt står i en gate, foran han er et verdenskart
Lær deg å velje klokt
Når du vel klokt, er det lettare å føre bilen trygt forbi overraskingar og hindringar du møter på vegen. Alle møter hindringar i livet, anten det er på skulen, på jobben eller andre stader.
Livsval
Nokre gongar er det vanskeleg å velje, men hugs at det er lov å ombestemme seg. Livet handlar om å prøve seg fram medan ein lærer og utviklar seg. Kvart val fører deg nærare draumane dine, og kvart skritt er ein del av livseventyret ditt.
Små og store val
Kvar dag dag tek du mange små «kvardagsval». Kva skal du ete til frukost? Kva skal du ha på deg? Korleis møter du familien din om morgonen? Korleis oppfører du deg overfor venner?
Og så tek du nokre store val, som kvar du skal studere. Både dei små og store vala er eit skritt på vegen mot ditt framtidseg.
Ta styringa
Når du lærer å ta smarte val, blir du ein god sjåfør i ditt eige liv. Du styrer mot målet medan du utforskar nye moglegheiter.
Korleis velje rett?
Når du tar dei små kvardagsvala eller dei store livsvala dine, kan det vere vanskeleg å vite kva som er rett.
Her er nokre ting å tenkje på:
- Vel det som gjer deg glad.
- Skap ei framtid du trivst med.
- Kjenn deg trygg på at du er ein god sjåfør på di eiga reise.
Hugs at alle vel feil i blant, det viktigaste er å lære av dei erfaringane du gjer.
1 / 5
En jente står i klesskapet og prøver å finne ut av hva hun skal ha på seg
Tenk over:
- Draumar om framtida: Kva har du lyst til å gjere i framtida? Veit du allereie kva du vil bli?
- Val og moglegheiter: Kva for val må du ta dei neste åra? Kvifor er desse vala så spennande?
- Lere av val: Tenk på eit val du har gjort som vart heilt feil. Kva lærte du av det?
- Di rolle i framtida: Kva trur du er viktigast for å gjere framtida spennande og meiningsfull?
Du bestemmer over ditt eige liv
Det er spennande å vere sjåfør i eige liv. Du må kjenne deg sjølv godt for å velje rett veg og vite når du skal snu. Kvart val lærer deg noko som kan hjelpe deg vidare på vegen.
- Gjer gode val: Lær deg å skilje mellom gode og dårlege val. Hugs at avgjerdene dine alltid fører til ein ny stad i livet.
- Set deg nye mål: Set deg nye mål, og jobb for å nå dei, anten det er på skulen, heime eller på fritida.
- Lær av erfaringane du får: Vi lærer alltid noko av vala vi gjer, anten vi tapar eller vinn.
Kvar dag er ei moglegheit til å oppdage noko nytt om deg sjølv. Kvart val er eit skritt på vegen mot å bli den du ønskjer å vere.
1 / 2
