Byen som ein trygg stad 

Den eigentlege årsaka til at byane i Mesopotamia oppstod, er usikker. Men då zigguratane, det vil seia templa, blei bygde, blei det skapa ein møteplass der folk kom for å tilbe gudane sine. Det blei også eit sosialt møtepunkt, og ein stad der nye tankar og idear blei utveksla. Mesopotamia var avhengig av handel for å skaffa seg nødvendige råvarer. Difor oppstod marknadsplassar og torg.

Det braut stadig ut krig og konfliktar med nabostatane, og dei krangla gjerne om   naturressursane. Dermed fekk byane etter kvart ein høg bymur, og dette blei ein tryggleik for innbyggjarane. 

Papirbakgrunn 8
Papirbakgrunn 8

Verdsbyen

Hovudstaden i Mesopotamia var blant dei viktigaste byane i Midtausten i tusenåra før Kristus. Babylon tyder «porten til gud». Leiarane i Mesopotamia var blant dei første som byrja med byplanlegging.

Papirbakgrunn 8
Papirbakgrunn 8

Høghus 

Dei fleste byane i Mesopotamia hadde bygningar med fleire etasjar. Sjølv dei fattige hadde hus med tre etasjar.  

Papirbakgrunn 8
Papirbakgrunn 8

Ishtarporten

Hovudporten i byen, Ishtarporten, var heile 15 meter høg. Rundt porten var det murstein glasert med vakker, blå lasurstein. Dekorasjonane glitra i det babylonske solskinet. Porten blei bygd for å imponera både folk og gudar.

Dei hengande hagane i Babylon

Dette blir rekna som eitt av dei sju underverka i verda. Ein trur at det var kong Nebukadnesar den 2. som bygde den praktfulle hagen til dronninga si. Forskarane er usikre på kor hagen låg og om han faktisk fanst.

Babylons hengende hager
Babylons hengende hager

Etemananki-tårnet

Midt i Babylon stod tempeltårnet Etemananki. Tårnet hadde sju etasjar og var 90 meter høgt. Det kan til og med ha hatt ei overflate i gull og sølv. Det var sannsynlegvis ein viktig stad for feiring og tilbeding av gudane.

Tårnet i Babylon
Tårnet i Babylon

Kjelder:

  • Groth, Bente; Barstad, Hans M.: Mesopotamia i Store norske leksikon på snl.no.
    Henta 3. november 2020 frå https://snl.no/Mesopotami
  • Barstad, Hans M.; Groth, Bente: Babylon i Store norske leksikon på snl.no.
    Henta 3. november 2020 frå https://snl.no/Babylon
  • Historie Junior (2016)
    Orage Forlag AS
  • Historie: Vår fortid – slik har den påvirket oss (2016)
    Orage Forlag AS

Bilet- og videorettar:

    1. The Met – Getty Images
    2. Getty Images
    3. Getty Images
    4. Getty Images
    5. Ukjent – offentlig eiendom
    6. Pieter Bruegel The Elder – CC – Public domain