Eit nytt kapittel i livet
Livet er som eit eventyr, fullt av spennande moglegheiter. Kvar moglegheit gir rom for vekst og utvikling, akkurat som kapitla i ei bok.
Kvart kapittel er ein del av det unike eventyret ditt. Sjå på forandring som ei moglegheit til å vekse og bli ein betre versjon av deg sjølv. Det er du som bestemmer korleis livet og framtida di skal bli.
La oss sjå nærare på korleis du kan takle store forandringar med sjølvtryggleik og optimisme.
Hjelp, eg skal begynne på vidaregåande!
Når du begynner på vidaregåande, møter du ei ny verd av utfordringar og moglegheiter. Her kan du lære mykje nytt, samtidig som du veks som person.
Du må velje kva slags skule du vil gå på og kva du vil studere. Kanskje du må flytte viss skulen er langt borte?
På vidaregåande møter du nye lærarar. Du får nye fag og kanskje nye venner òg. No er det på tide å finne ut kva du liker å gjere, og kva du vil jobbe med i framtida.
Det kan verke skummelt, men samtidig er det skikkelig spennande! Tenk på alt det nye du skal oppleve og lære!
1 / 2
En jente går målrettet nedover gata
Det er lov å ombestemme seg!
Det kan verke som om valet du tek no, formar heile framtida di. Hugs at det er lov å ombestemme seg og prøve fleire ting før du avgjer kvar du skal ende opp. Dei neste åra kjem du uansett til å lære mykje nytt som du kan få bruk for seinare.
På vidaregåande lærer du mykje om korleis du skal handtere utfordringar, løyse problem og samarbeide godt med andre. Desse ferdigheitene er nyttige i alle slags jobbar og situasjonar i livet.
Det er bra å tenkje nøye gjennom kva du skal velje, men ikkje stress for mykje med desse vala. Du kan endre retning seinare viss du ønskjer det. Vêr open for å lære mest mogleg og vekse som person, uansett kva val du tek.
1 / 2
Nye venner
Etter kvart som du blir eldre, vil venner komme og gå. Kanskje du treff nye venner og gradvis mister kontakten med folk du har vore venn med før.
Det er heilt normalt at dette skjer. Vi veks og endrar oss heile tida, og vi blir meir klar over kva slags vennskap som er rette og viktige for oss.
Prøv nye ting
Det er lurt å prøve ulike nye hobbyar medan du er ung. Kanskje oppdagar du noko du verkeleg brenn for innan sport, kunst, musikk eller vitskap.
Alt du lærer undervegs, kan vere nyttig seinare i livet.
Å vekse og forandre seg
På vegen mot vaksenlivet forandrar du deg både fysisk og mentalt. I puberteten rasar det ulike hormon rundt i kroppen, og dei påverkar kva du føler og tenkjer.
Alle desse forandringane er ein naturleg del av det å bli eldre.
1 / 3
To venninner gir hverandre en klem
Etter videregåande skule
Når du er ferdig på vidaregåande, skal du velje om du vil halde fram med å studere, eller om du vil begynne å jobbe. Det er både skummelt og spennande å stå heilt fritt til å velje si eiga framtid.
Nokre begynner å jobbe eller søkjer lærlingplass. Andre vel å studere på universitet eller høgskule.
Du bestemmer korleis framtida di skal sjå ut. Undervegs lærer du mykje om deg sjølv og kva du har lyst til å gjere.
Tenk deg godt om! Snakk gjerne med folk som kjenner deg godt, og be om råd. Les om ulike jobbar eller studiestader, og bruk tid på å finne noko du trur kan passe for deg.
Dette er ei viktig tid i livet. No begynner du på eit heilt nytt kapittel. Tenk på kva du liker og er flink til når du planlegg vegen vidare.
1 / 2
en lang vei i en rett gate
Tips for å takle overgangar og forandringar
- Snakk om det: Snakk med nokon du stolar på om kva du tenkjer og kjenner, til dømes ein forelder, lærar, rettleiar eller ein venn.
- Ver open for nye erfaringar: Ver nysgjerrig og lærevillig, det hjelper deg å vekse.
- Ta vare på deg sjølv: Et sunt, sov nok, og ver aktiv. God fysisk og mental helse er viktig.
En jente sitter på rommet sitt i senga og tenker
Overgangar – lag ein plan
Desse tipsa kan hjelpe deg gjennom periodar med store forandringar.
Førebu deg godt
Snakk med andre, og prøv å finne ut meir om lærarane, skulen, faga og kva slags aktivitetar du kan bli med på. Di meir du veit om kva som kjem, di lettare er det å takle overgangen på ein god måte.
Set deg realistiske mål
Set deg små faglege og personlege delmål undervegs. Gi deg sjølv ros når du når måla dine.
Skap deg eit trygt nettverk
Støtt deg på familie, venner, lærarar og andre rettleiarar. Søk råd når noko blir vanskeleg. Det er viktig å ha nokon å snakke med.
Ver fleksibel
Prøv å tilpasse deg den nye situasjonen. Sjå på forandringane som spennande moglegheiter. Då kan overgangen bli lettare.
Skriv dagbok
Skriv ned tankar og kjensler. Det kan hjelpe deg å forstå deg sjølv betre. Når du seinare blar bakover i boka, vil du se kor mykje du har utvikla deg.
Hald på rutinane dine
Prøv å halde fram med ting du liker å gjere, som å lese før du sovnar, eller trene eit par gongar i veka. Det gir ei kjensle av at noko er som før, og at ikkje alt er forandra.
Lær stressmeistringsteknikkar
Lær deg korleis du taklar stress best. Roar du deg best ned ved å puste djupt, meditere, vere fysisk aktiv eller ved å lytte til musikk? Bruk desse teknikkane når du merkar at du blir stressa.
1 / 4
Ett kompass står på et kart ute
Framtida er spennande!
Kvart kapittel er ein del av den unike livsreisa di. Vêr open og nysgjerrig, og gjer kvar dag til ein verdifull del av livsreisa di. Hugs at det aldri er for seint å ombestemme seg viss du vel feil. Eitt val bestemmer ikkje framtida for alltid.
Ver positiv og sjå på kvar epoke som ei moglegheit til å skape noko nytt og spennande. Sjølv om du vel feil, får du ei erfaring som hjelper deg vidare i livet.
Lykke til på reisa! Hugs at det er du, og berre du, som er sjefen i livet ditt!
