Etter mykje prøving og feiling kom dei fram til at éin liter vatn skulle svare til éin kilo. Men vatn veg ulikt avhengig av om det er varmt eller kaldt, og kvar ein er i verda.

Derfor destillerte (reinsa) dei ei mengde vatn for å få bort uønskte stoff. Så målte dei vekta av dette vatnet. På bakgrunn av dette vart det i 1799 støypt ein prototype eller mal i platina for å vite kor mykje éin kilo skulle vere. Denne malen skulle gjelde overalt.

Tanken var god, men han hadde nokre manglar. Ein av eigenskapane til platina er at det er mjukt. Små bitar vart etter kvart slegne av dei første kopiane, og dei vart unøyaktige.

Etter fleire nye forsøk på å lage ein perfekt prototype kom ein fram til ein ny i 1889. Platina vart blanda med eit hardare metall (iridium), og denne prototypen vart brukt fram til 2019. Han blir oppbevart i nærleiken av Paris.

Etter 2019 har prototypen for ein kilo endra seg. No blir det ikkje lenger brukt ein fysisk metallbit, men elektriske målingar. Men framleis har ein ikkje funne den perfekte måten å fastsetje måleininga kilo. Kanskje det er du som løyser dette ein gong i framtida?

Forsøka skjedde under den franske revolusjonen på slutten av 1700-talet. Då kunne det vere farleg å tenkje nye tankar som kongen ikkje forstod. Delambre vart arrestert fleire gonger fordi han klatra opp i tårn med merkelege instrument. Var han ein spion?

Prosjektet tok sju år og førte til at meteren vart definert.

Prototypen til ein meter vart laga i platina i 1799, og han er no i Frankrike. Dessverre vart det gjort nokre småfeil i begynnelsen, så han er ikkje heilt korrekt.

For første gong fekk verda ein målestokk basert på noko dei trudde var uforanderleg – nemleg jordkloden.

Meteren innleidde overgangen til metersystemet. Det tok fleire tiår før meteren vart godteken som eit internasjonalt standardmål (1875).

Sjølv om det tok tid med å innføre den nye standarden for meter, bruker dei fleste land i verda i dag same mål.