Tømmerhogst er hogginga av tre som ein brukar for å skaffa mahogni, teak, sedertre, merbau og andre verdifulle tresortar. Desse brukar vi for å laga møblar, båtar og fine golv til terrassen. Miljøvernarar har rekna ut at 75 prosent av regnskogane i verda er utrydda eller øydelagt av tømmerhogst.

Kvegdrifta et seg også innover i regnskogane, og områda som er utsette for flaum, vert stadig større. Årsaka til dette er at når bøndene høgg ned tre for å skaffa beiteområde til dyra sine, fjernar dei samtidig den svampeeffekten regnskogen sørgjer for. I staden for å trekkja til seg den store mengda regn og ganske enkelt fordela ho, vert dei nyhogde områda fløymde over. Vatnet renn ned i nærliggjande elver, som så ofte går ut over sine bredder.

Når det vert færre tre i regnskogen, verkar det inn på både klimaet i regnskogen og overalt elles på jorda. Vi treng noko som heiter fotosyntese for å laga oksygen, og fotosyntesen skjer blant anna i regnskogen. Plantane «pustar» på ein måte inn karbondioksid og skapar samstundes oksygen som vi menneske kan pusta inn. Utan oksygen kan vi ikkje pusta – og difor treng vi fotosyntese.