Viss du i teksten berre gjengir kva andre kan og veit – utan å oppgi kjelder – kan det bety at:

• du kan fagstoffet, men er usikker på formuleringa.
• du ikkje synest det er nokon vits i å skrive på din eigen måte, for nokon andre har jo skrive det så godt likevel.
• du tar ein snarveg, for du trur at ingen oppdagar det uansett.

Det gjer det vanskeleg for den som skal vurdere teksten, å vite kva som gjeld for deg.

Plagiering er Å…

… kopiere setningar og avsnitt funne i andre sitt arbeid utan å oppgi kjelde.

… kopiere ord for ord.

… omformulere ei setning eller eit avsnitt, slik at teksten er nokså lik.

… kopiere tekst direkte frå internett utan å oppgi kjelde.

Plagiering er Å…

… skrive av ein medelev sine notat.

… kopiere bilde, diagram, grafar og liknande utan å fortelje kva kjelda er.

… låne data/statistikk og fakta som andre har samla inn, utan å fortelje kva som er kjelda.

… bruke sitat frå tekstar, videoar eller frå undervisninga utan å oppgi kjelde – det gjeld òg sjølv om det er eigne notat frå undervisninga, og læraren kjem med eit godt sitat.

Studentar som blir tatt i plagiering, får ikkje godkjent oppgåvene sine, og må kanskje bruke lengre tid på å bli ferdig med studiet. I verste fall kan dei bli utestengde frå studiestaden i kortare eller lengre periodar.

Plagiering finst ofte når:

• ein har fått for dårleg tid på ei oppgåve og “låner” frå andre.
• ein er redd for å ikkje skrive godt nok, og “låner” frå andre.
• internett gir riktig svar, og ein brukar dette ordrett.
• ein kanskje vil stå fram som klokare enn ein er.