Fire store selskap eig nesten all kvegindustrien i verda. Di meir kjøt vi et, di meir pengar tener dei. Derfor stoppar ikkje avlen av kyr.

Kvegdrift gir òg inntekt til millionar av bønder. Det er bra for dei akkurat no, men ikkje så veldig bra for jorda vår på lang sikt. Miljøforkjemparar seier ifrå når menneske gjer ting som er skadeleg for miljøet. Dei siste åra har fleire og fleire sagt at kvegdrift er feil. Men kvifor det?

I vomma bur ein annan gjeng med mikroorganismar, nemleg metanogene bakteriar. Dei tek hydrogen og gjer han om til metangass. Vi menneske har våre eigne metanogene bakteriar i kroppen. Det er dei som gjer at vi menneske får luft i magen. Men kyr har mykje meir luft i magen enn vi har. Éi ku slepp ut opptil 180 000 liter metangass kvart år. Men kvar blir det av all metangassen?

1. Atmosfæren

Når kua prompar eller rapar, ender metangassen opp i atmosfæren. Det er ikkje like mykje metangass der oppe som karbondioksid, men metanen fangar opp meir varme frå sola. Dette bidreg til global oppvarming. Men metangass er ikkje det einaste problemet.

2. Forureina elvar 

Kumøkka blir mellom anna brukt som gjødsel eller bygningsmateriale. Fordi ho inneheld mange næringsstoff og mykje energi, er ho ein verdifull fornybar ressurs. Men kumøkk kan òg øydeleggje nærmiljøet. Når møkk blir brukt som gjødsel, kan regnvatnet drive henne ut i elvar og innsjøar. Stoff i møkka aukar algeveksten i vatnet. Blir det for mykje algevekst, kan vi ikkje drikke vatnet lenger.

3. Energiforbruk 

Kumjølka blir varma opp for å fjerne bakteriar så ho held seg lenger og er trygg å drikke. Denne prosessen krev ein del straum. Varmebehandlinga er òg med på å påverke miljøet fordi dei høge temperaturane krev mykje energi.

4. Bortkasta produksjon 

I Storbritannia blir det kasta meir enn 30 000 tonn med storfekjøt årleg. Matsvinn er ikkje berre sløsing med mat, men også sløsing med ressursane som må til for å produsere kjøtet.

5. Vassavtrykk 

Når vi menneske produserer matvarer, bruker vi mengder med vatn. For å produsere éin kilo storfékjøt bruker vi i snitt nesten 16 000 liter med vatn.

6. Mat til kua 

For å oppdra ei ku som er stor nok for kjøtproduksjon, må ein produsere mat for heile flokken. Ein kilo storfekjøt krev derfor 25 kilo kraftfor.

7. Hogst av skog 

For at kyrne skal kunne beite, trengst det store landområde. Derfor blir det hogge enorme område med skog og regnskog. Det fører til tap av leveområde for ville dyr og reduserer det biologiske mangfaldet.