No finst det nesten 1,5 milliardar kyr i verda. Det finst fleire kyr i verda enn det finst kinesarar! Så mange kyr treng vi ikkje. Men dei som eig kyrne, tener pengar når dei sel dei, og det har dei ikkje lyst til å slutte med.

Mange meiner det er feil at vi bruker kyr sånn som vi gjer. Men kvifor det?

Seinare blir hydrogenet gjort om til metangass. Og den gassen vil ut. Men når ei ku rapar eller prompar, kvar blir det av all metangassen?

1. Atmosfæren

Når kua prompar eller rapar, slepp ho ut ei vond lukt – den lukta er metangass. Metangassen stig opp i atmosfæren. Atmosfæren er som himmelen – han ser blå ut på dagen og er gjennomsiktig på natta. Der oppe er det mange gassar. Nokre av gassane held varmen frå sola inne. Derfor heiter dei drivhusgassar. Har du nokon gong vore i eit drivhus når sola skin? Glaset slepp solstrålar inn, men slepp ikkje all varmen ut. Sånn er det med metangass òg. Di meir metangass det blir i atmosfæren, di varmare blir jorda. Då kan ørkenar vekse, øyer kan forsvinne og isen på Nordpolen kan smelte vekk. Det kallar vi global oppvarming.

2. Forureina elvar 

Møkka blir mellom anna brukt som gjødsel eller bygningsmateriale. Fordi ho inneheld mange næringsstoff og mykje energi, er ho ein verdifull fornybar ressurs. Men kumøkk kan òg øydeleggje nærmiljøet. Når møkk blir brukt som gjødsel, kan regnvatnet drive henne ut i elvar og innsjøar. Fosfor og nitrogen frå møkka aukar algeveksten i vatnet. Blir det for mykje algevekst, kan vi ikkje drikke vatnet lenger.

3. Energiforbruk 

Kumjølka blir varmebehandla for å fjerne bakteriar så ho held seg lenger og er trygg å drikke. Denne prosessen krev sju kilowattimar med straum for å behandle ei vekes mjølkeproduksjon per mjølkeku. Varmebehandlinga er òg med på å påverke miljøet fordi dei høge temperaturane krev mykje energi.

4. Bortkasta produksjon 

I Storbritannia kastar ein meir enn 30 000 tonn med storfekjøt i løpet av året. Matsvinn er ikkje berre sløsing med mat, men også med ressursane som må til for å produsere kjøttet.

5. Vassavtrykk 

Når vi menneske produserer matvarer, bruker vi mengder med vatn. For å produsere éin kilo storfekjøt bruker vi i snitt nesten 16 000 liter med vatn.

6. Mat til kua 

For å ale opp ei ku som er stor nok for kjøttproduksjon, må ein produsere mat for heile flokken. Ein kilo storfekjøt krev derfor 25 kilo kraftfor.

7. Hogst av skog 

For at kyrne skal kunne beite, trengst det store landområde. Derfor blir det hogge enorme område med skog og regnskog. Det fører til tap av leveområde for ville dyr og reduserer det biologiske mangfaldet.