Sur som ein sitron

Det finst mange ulike sitrusfrukter. Dei fleste av dei er ganske sure og krev at dei blir behandla på ein måte før bruk. I Noreg et vi store mengder appelsinar til påske, og vi et klementinar til jul. Elles drikk vi ganske mykje jus som er basert på sitrusfrukter. Men kva er eigentleg ein kumquat?

Accessibility icon Sur som ein sitron

Sitrusfruktene

Har du høyrt uttrykket “sur som ein sitron”? Det betyr at ein er veldig sur, akkurat som sitronen.

Sitron høyrer til sitrusfruktene som er bær med mykje C-vitamin.

Det blir dyrka store mengder sitrusfrukter i Sør-Afrika og California i USA.

Sitrontre
Sitrontre

Sitron

Sitronen er gul og eggforma. Han er så sur at dei færraste et han akkurat som han er. Vi kan bruke fruktkjøtet eller berre safta.

Frukta kjem opphavleg frå India, men blir dyrka fleire stader i verda.

Sitronen inneheld mykje C-vitamin, og han har vorte brukt i medisinar i mange tusen år.

Lime

Lime er ei lita grøn sitrusfrukt. Limen er litt søtare enn sitronen, men er likevel bitter i smaken.

Safta av lime er fin å bruke i supper, og særleg fiskesupper.

Fisk og kjøt som blir marinert i lime, blir meir saftig. Eit døme er ceviche. Det betyr fisk eller skaldyr “kokt” i lime.

Lime

Appelsin

Appelsinen kjem opphavleg frå Kina, og namnet betyr «kinesisk eple». Brasil dyrkar aller mest appelsinar. Dei fleste appelsinane vi et i Noreg, kjem likevel frå Spania.

Frukta kan etast som ho er, men må skrellast først. Vi kan òg pressa ut safta som appelsinjuice.

I Noreg et vi flest appelsinar i påska. Appelsin er ei viktig kjelde til C-vitamin.

Klementin

Klementin liknar på ein liten appelsin. Vi et spesielt mykje klementin rundt juletider.

Fordi klementinen er søt, er det ikkje nødvendig å tilsetje mykje sukker når han blir brukt i matlaging.

Kva er forskjellen på klementin og mandarin? Klementinen er søtare og som regel utan steinar. Til jul er det berre klementinar som blir selde i butikkane.

Forrige avsnitt

1 / 2

Neste avsnitt
En appelsinbonde holder et fat med appelsiner foran seg
En appelsinbonde holder et fat med appelsiner foran seg

Grapefrukt

Grapefrukta er den største av sitrusfruktene. Ho veks i klasar på tre, akkurat som druer. Grape betyr drue på engelsk.

Vi kan ete grapefrukt som ho er, for ho er søtare enn sitron. Ho kan òg brukast i salatar, eller ho kan pressast til saft eller jus.

Grapefrukt inneheld omtrent like mykje C-vitamin som ein klementin.

Grapefrukt
Grapefrukt

Kumquat

Kumquat liknar på ein appelsin med oval form. Det meste av smaken sit i skalet. Kumquat blir derfor eten med skalet på.

I tillegg til å etast rå, kan kumquat brukast som pynt på dessertar og middagsrettar.

Kumquat
Kumquat

Kjelder:

  • Sunding, Per: Grapefrukt i Store norske leksikon på snl.no
    Henta 2021 M09 13 frå
    https://snl.no/grapefrukt

Bilde- og videorettar:

    1. Getty Images
    2. FRUKTno – YouTube
    3. Getty Images
    4. Getty Images
    5. Getty Images
    6. Getty Images
    7. Getty Images