Gaming

Mikkä oon gamingin hyvät puolet? Oonko e-sportti idretti? Mitä saattaa tapattuut heile, jokka hengastuuvat gaminghiin?

Accessibility icon Gaming

Gaming

Fortnite, CS, Minecraft tahi Roblox. Mitä sie pellaat?

Gaming oon hobby missä oon oma kulttuuri, oma kieli, tunnetut ihmiset ja histooria. Siinä luođhaan jotaki uutta ja jajethaan kokemuksii toisten kans.

Suuriin osa daattapelliin pellaajista oon poikkii, mutta tyttäriitä oon myötä enämen ja enämen.

En jente sitter foran gaming oppsettet hennes, og tar på hodetelefonene.
En jente sitter foran gaming oppsettet hennes, og tar på hodetelefonene.

Gamingin hyvät puolet:

Sie opit paljon ko pellaat daattapellii. Se oon tyhä pelata hyvälä omatunnola. Gaming ei ole tyhä soma, se oon kans hyöđylistä. Tässä oon kuusi hyvvää syytä siihen:

1. Sinusta tullee seppä engelskassa

Sie häyđyt lukkeet instruksiita ja chattaila muitten pellaajiitten kans engelskaksi. Silloin sinusta tullee seppä kielissä. Piian engelskasta tullee sinun uusi favorittifaaki koulussa.

2. Sie saat uussii ystäviitä

Monessa pelissä sie häyđyt tehđä yhtheistyötä muitten kans jokka oon eri maista pois. Piian sie olet tärkkee persoona pelissä jolleki kenelä ei ole niin paljon ystäviitä entiseltä?

3. Sinusta tullee seppä ratkaisemhaan probleemiita

Sie tehet yhtheistyötä ja ratkaiset probleemiita. Mitä kannattaa tehđä? Se mitä sie tehet oon tärkkeetä kokonaisen kaupungin asukkhaile tahi yhđen karateerin koko elämälle.

Sie häyđyt hunteerata strategiita ja taktikkii.

Kuinka sie hankit parhaimat kamppheet?

Kuinka sie voitat viholisen mahđolissiiman noppeesti?

Kunka voitat viholisen mahđolissiiman noppeesti?

4. Motooriset taiđot

Ko sie pellaat daattapellii, sie häyđyt olla happela ja seppä sormiin kans, ja sie häyđyt pittäät kumppaaki kättä samhaan aikhaan. Sie saat kans hyvän  silmä-käsi-koordinasuunin.

5. Sie opit hanteeraamhaan stressii

Profesunellit gamerit stressaavat yhtä paljon ko racerbiilin ajjaajat. Se oon kyllä villi ajatus! Sie träänäät niin ette pysyt rauhalisena vaikka oletki stressaavassa tilassa. Tämän trääningin sie otat myötä muihin tilhoin.

6. Träänätä tuntheita

Ko sie pellaat kauvoin, sie träänäät tuntheita niin ko empatiaa, katumista, ylppeyttä, tytyväisyyttä, engasementtii, neuvottomuutta, toivottomuutta, hermostuneisuutta, panikkii, sekkaanusta, eppäilystä, frustrasuunii, ärrytystä ja katkeruutta.

Forrige avsnitt

1 / 7

Neste avsnitt
Jente sitter og gamer i et rom opplyst med lilla farge.
Jente sitter og gamer i et rom opplyst med lilla farge.

Gaming ja vanhiimet

Usheimat vanhiimet anttaavat lasten pelata yksin. Tämä saattaa olla probleemi.

Vaikka usheimat norjalaiset lapset pellaavat daattapellii, oon vanhiimilla enämen intressi jalkapallhoon ja käsipallhoon. Hallitus toivoo ette met piđämä daattapellii omana vapaa-aijan aktiviteettinna.

En gutt sitter å gamer i sengen sin. Storesøsteren hans står bak han å prøver å få kontakt med han, fordi han må gjøre leksene sine.
En gutt sitter å gamer i sengen sin. Storesøsteren hans står bak han å prøver å få kontakt med han, fordi han må gjøre leksene sine.

E-sportti

E-sportti oon daattaapelliin pellaamista sporttina. Het jokka triivaavat e-sporttii träänäävät paljon niin ette heistä tullee sepät, ei tyhä somanpiđon vuoksi. Het träänäävät noppeutta, silmä/käsi-koordinasuunii, laakipellii, johtamista, kestäävyyttä ja strategiaa.

Joissaki jatkokouluissa oon omat e-sporttilinjat.

Et team spiller på E-sport
Et team spiller på E-sport

Gaming-hengastuminen

Daattapelit oon hauskat, sie olet sosiaalinen ja opit paljon. Mutta jokku saattaavat hengastuut gaminghiin kokonhansa. Se saattaa olla vaikkee auttaat heitä ko het ei aina halluu puhhuut siitä.

Vaarasignaalit:

  • Het suuttuuvat jos het ei saa pelata
  • Het torraavat vanhiimiitten ja ystäviitten kans pellaamisesta
  • Het oon paljon omassa lomassa yksin
  • Het oon poissa koulusta
  • Het nukkuuvat liian vähän
  • Het pellaavat enämen ja enämen
  • Het syövät sammaa ruokkaa joka päivä
  • Het juovat paljon energiajuomaa
Forrige avsnitt

1 / 3

Neste avsnitt
En gutt som sitter å spiller mens det ser ut som han holder på å sovne
En gutt som sitter å spiller mens det ser ut som han holder på å sovne

 

Tässä sie näjet kuinka daattapelit oon eđistynheet:

Katto mitä sie saatat tehđä mailman populäärissiiman daattapelin kans – Minecraft.

Kalttiit:

Kuva- ja videooikkeuđet:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Yvonnekarate – YouTube
    8. NRKbeta – YouTube