Näin varmistamma, ette juomavesi riittää

Veđen puutet saattaa johtaat taistelhuin vesiresursiista. Kunka saatama kuluttaat vähemän vettä niin ette turvata mailmanrauhan ja samassa suojela meiđän planeettii?

Accessibility icon Näin varmistamma, ette juomavesi riittää

Met tarvittemma puhđasta vettä

Sie saatat pärjätä ilman ruvatta usheita päivii, mutta ilman veđettä kuolet koko noppeesti. Siksi vesi oon upottoman tärkkeetä.

Nyt se alkkaa olemhaan liijan vähän puhđasta vettä mailmassa koska jokhainen meistä kuluttaa enämen vettä.

Liijan korkkee veđenkulutus

Suuriinta ossaa veđestä ei piđetä juomisheen, sen sijhaan sitä piđethään pelttoin kastelemisheen.

Tavalinen ihminen pittää nuoin 180 liitterii vettä päivässä. Yli puolet tästä mennee hyysikän viruttamisheen, dyssäämisheen ja vaatetpeshoon.

Vettä säästäävät toimet

Maanpruukissa tutkiijat kehittäävät kasvii mikkä kestäävät kuivuutta paremin. Het oon kans luonheet kamppheita mikkä kokkoovat sađetvettä.

Sinun huonheessa saattaavat helpot konstit säästäät vettä. Met saatama pittäät paremppii pesomasiiniita ja vaihettaat säästödysshiin. Näin met saatama ottaat huolen miljööstä paremin.

Konnonkokkoojat

Mailman kuiviimilla aloila konto saattaa anttaat puhđasta vettä ihmisille. Sielä käytethään issoi verkkoi mikkä kokkoovat vettä liitterittäin.

Tuuli painaa konnon verkkoo vasten, ja vesi tippuu suurhiin astiissiin.

Ihmisten luomat jäätiköt

Kevväilä Himalayala vettä oon vähän. Muutama vuosi takaisin joukko tutkiijoita alkoi luomhaan keinotekoissii jäätiköitä. Veđen johđethaan putkee pitkin ja “syljethään” ulos niin ko truiskulähđet. Vesi jäättyy kylmässä veđessä ja haamustaa tornin ko se ossuu maahan.

 Tiesitkö ette…

… met tarvittemma paljon enämen vettä kiini vuotheen 2050?

… faprikit pittäävät 75 prosenttii veđestä energiin luomisheen?

… pohjavesi jaukkuu ko met piđämä enämen vettä ko se mikä tullee satheena?

… se mennee 3000-5000 liitterii vettä kilon riisin produseeraamisheen ja 500 liitterii kilon poteetin produseeraamisheen.

Forrige avsnitt

1 / 4

Neste avsnitt

Vesipuutet mailmassa

Ihmissii tullee enämen ja enämen mailmassa, ja silloin juomaveđen häyđythään jakkaat yhä usheeman ihmisen ja elläimen kesken.

Joilaki aloila mailmassa vettä oon liikkaa, ko taas muissa paikoissa vesi kuivuu. Ihmiset ja elläimet ei pärjää ilman puhthaatta veđettä ja hyvättä juomaveđettä.

En hånd som blar et ark med bilde av en tørr ørken slik at det kommer fram et ark med grønn natur.
En hånd som blar et ark med bilde av en tørr ørken slik at det kommer fram et ark med grønn natur.

Lähtheet:

  • Vitenskapens guide til jordens framtid (2018)
    ORAGE FORLAG AS

Kuvat ja videot:

    1. Getty Images
    2. Getty Images
    3. NRK Skole
    4. Getty Images
    5. BBC News – Youtube
    6. BBC News – YouTube
    7. Getty Images
    8. Getty Images