Opastu toishiin paremin
Se oon tärkkeetä ette sinula oon joku kenen kans saatat olla yhđessä. Kuinka sie saatat opastuut paremin niihin kukka oon sinun ympärillä? Tässä tullee pari tipsii.
Opastuminen toisten kans …
… oon kovin tärkkeetä kaikile. Ko sie olit pikkuinen, solmit ittesti muorhiin ja faarhiin ja toishiin jokka piđethiin sinusta huolen. Aikkaa myöten loit suhtheita sinun ystävhiin ja opettaajhiin.
Se oon tärkkeetä ette sinula oon joku kenen kans saatat olla yhđessä. Kuinka sie saatat opastuut paremin niihin kukka oon sinun ympärillä? Tässä tullee pari tipsii.
Mor går tur ved en elv på fjellet med baby i bæresele på magen.
Tutkimuksen jälkhiin
Norjassa tutkima joka vuosi sitä kuinka meilä mennee. Se mikä oon yksi tärkkeimistä assiista meiđän hyvinvoinile, oon se ette perheen ja ystäviitten kans oon hyvä olla.
Ko meilä mennee hyvin, laittaavat aivot kahta onnelisuuđen ainetta joitten nimet oon serotooni ja dopamiini. Nämät anttaavat meiđän kropile onnelisen ja rauhalisen tuntheen.
Perheen ja ystäviitten kans sinula oon turvalinen tunnet. Se oon tärkkeetä ette sinula oon joku jonka kans sie saatat puhhuut kaikesta. Se oon kans tärkkeetä ette sie tieđät ette sie merkittet jotaki muile. Puhu vanhiimiitten ja ystäviitten kans siitä mikä oon vaikkeeta ja siitä mikä oon hyvvää.
Sie ajattelet positiivisemmin ittesti ympäri ko sinula oon hyvät ystävät ja peret kukka kuurothaan sinnuu ko sie tarvittet sitä.
1 / 3
To par hender holder et rødt hjerte sammen.
Yhtheenkuuluminen
Ihmiset oon laumaelläimet, ja sie tarvittet tuntteet ette sie kuulut perheen ja ystäviitten laumhaan. Ko sinun lauma näkkee sinun ja kuuntelee sinnuu, sie kojet yhtheenkuulumista ja yhtheishenkkee.
Net miljööt joissa sie elät, anttaavat yhtheenkuulumisen tuhtheen. Se saattaa olla sinun koulu, jalkapallolaaki tahi sinun peret.
1 / 2
Tegnet multikulturell folkemengde.
Yhtheishenki
Yhtheishenki oon ystävyyttä pienemiitten roikkiin sisälä. Net saattaavat olla sitheitä sinun parhaimphiin ystävhiin tahi niihin jokka oon samassa käsipallolaakissa ko sie.
Ko sie puhut ystäviitten ja perheen kans sinun tuntheitten ja ajatusten ympäri, sie huomaat ette tet ajatteletta piian joksiki samhaan laihiin.
Kaikista tunttuu joskus ette oon yksin. Kaikista tunttuu siltä ette kukhaan ei ymmärä kuinka heilä ittelä mennee. Se oon aivan normaalii.
Ko sie puhut toisten kans siitä kuinka sinula mennee, se oon helpompi kestäät vaikkeita aikkoi.
1 / 2
Tre ungdommer sitter i en park og holder om hverandre.
Kaikin oon erilaiset
Met kaikin olema sosiaaliset eri laihiin. Jokku puhhuuvat koko aijan. Toiset ajattelleevat enämen ennen ko puhhuuvat. Jokku rakastaavat olla yhđessä usheitten ihmisten kans. Toiset tarvitteevat enämen aikkaa yksin. Usheimat oon näitten tyyppiin sekoitus.
Oletpa sie sitte kumpi tahansa näistä tyypiistä, niin se oon tärkkeetä ette sie opastut toisten ihmisten kans.
Se oon vähäsen pölättäävää opastuut uussiin ihmisten kans. Melkhein kaikki ajatelhaan niin.
Sie piđät muistaat kaksi tärkkeetä assiita. Toinen oon ette sie häyđyt tohtiit näyttäät sekä sinun hyvät ette huonot puolet. Toinen oon ette sie häyđyt olla kiinostunnu siitä ihmisestä jonka kans sie halluut opastuut.
1 / 2
Sjenert tenåringsgutt med skolesekk og hette på hodet.
Metoodit
Nyt sie tieđät pikkuisen sen ympäri miksi se oon hyvä opastuut toisten kans. Mutta kuinka sie tehet sen? Tässä tullee pari hyvvää tipsii.
Tenåringsjente med håndtegnede spørsmålstegn over hodet.
Kysy kysymyksii
Jos halluut opastuut toisen kans, häyđyt kyssyyt kysymyksii. Se oon hyvä tehđä siitä kysymysleikin.
Ole rehelinen ja tieđonankara!
Mitä sie halluut tiettäät siitä persoonasta jonka kans sie aijoit puhhuut? Älä kysy semmoissii kysymyksii mihin sie et itte saata vastata.
Se oon tärkkeetä ette kaikki tuntteevat ette heiđät oon nähty ja kuultu. Kaikki vastaavat sinun kysymykshiin.
Jos tet oletta mukala mettässä, saatat kyssyyt jostaki mitä tapattuu mukala. Jos tet oletta koulussa, saatat kyssyyt koulusta. Sie saatat kans kyssyyt daattapelistä jos tet pellaatta sitä yhđessä.
1 / 3
Mor med tre barn i ulik alder går tur i skogen om sommeren.
Kysy uussii kysymyksii
Ko praati oon alkanu, sie saatat kyssyyt uussii kysymyksii. Siihen laihiin tet opastutta hyvin. Aina oon jotaki uutta mitä sie saatat kyssyyt. Kysy sitä mitä sie halluut tiettäät sillä hetkelä. Yhtäkkii tet puhutta jostaki aivan muusta.
Far og sønn har en samtale mens de går tur i parken.
Kuuntele kunnola
Kukhaan ei tykkää puhhuut jonku kans joka ei kuuntele. Pane käsifuunin pois ja katto sitä joka puhhuu! Freistaa panna ittesti siihen mitä toinen muistelee. Se mennee aikkaa ette opastut toisten kans hyvin.
To venninner sitter i en sofa og snakker sammen.
Kalttiit:
- Kvam, Kjersti:
Bedre kjent-boka (2021)
Oslo. Cappelen Damm.
Kuvat ja videot:
-
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
