Likestraum er ein jamn straum av elektron gjennom eit apparat. Litt som ei elv som heile tida renn forbi. Når du brukar eit batteri, går det likestraum ut frå minus-sida, og gjennom apparatet ditt. Straumen endar til slutt opp på pluss-sida.

Vekselstraum er når elektrona pumpar fram og tilbake i leidningen. Denne typen straum er lettare å senda over store avstandar. Difor er det vekselstraum som kjem ut av stikkontakten i veggen.

I årevis hadde Edison laga oppfinningar som trong likestraum. Man han sleit med å levera straum til kundane som ville bruka tinga hans. For at kraftverket skulle senda likestraum som var sterk nok til å vera nyttig, måtte maskinen som laga straum vera i nærleiken av kundane. Det var dyrt og vanskeleg, særleg på landet.

Tesla utvikla eit system som kunne senda kjempesterk straum over store avstandar utan at leidningane vart varme. Dette er det vi kallar høgspentleidningar. Ute hos kundane trengte ein berre å ha små apparat som gjorde straum med høg spenning om til låg spenning. Desse apparata vert kalla transformatorar.

Tesla vann til slutt «straumkrigen». I dag er det ingen som har likestraum i stikkontakten sin, det vert berre brukt i apparat som går på batteri. Det er ingen tvil om at vekselstraumen er ei av dei viktigaste oppfinningane i historia.