«Stans tyskarane!»

England pøste ut propaganda til dei landa som ikkje deltok i 1. verdskrigen. Desse landa fekk skrekkhistorier om den tyske krigføringa. England og deira allierte kjempa ein krig for å «gjere slutt på alle krigar». Derfor var det viktig å få støtte frå flest mogleg for å kjempe mot ønsket til tyskarane om gjere Europa til ein militærstat. Mot slutten av krigen vart USA òg redd for at Tyskland skulle okkupere dei.

📷  Amerikansk propagandaplakat frå 1917 som viser Tyskland som ein galen gorilla som trampar inn i USA.
Kunstnar: Harry Ryle Hopps (1869–1937).

Tyske frimerke

Frimerka i Det tredje riket gir oss ei unik moglegheit til å forstå meir av  sjølvbildet til nazistane og korleis dei ønskte å bli oppfatta av verda. Propagandamerka viser ofte motiv av Adolf Hitler, nazipartiet og militære sigrar.

Koreakrigen

Koreakrigen var ein krig mellom Nord-Korea og Sør-Korea og var den første store krigen etter 2. verdskrigen. Nord-Korea var kommunistisk og vart støtta av Sovjetunionen og Kina. Sør-Korea var meir vestleg orientert og vart støtta av USA og FN. USA gjorde alt dei kunne for å hindre at kommunismen spreidde seg rundt i verda. Dei meinte at kommunismen var vondskap sett i system. Krigen endte med våpenkvile.

📷  Framside på ein amerikansk teikneserie som viser frykta for kommunismen. 

Irak-krigen

Militære spionbilde frå USA vart presenterte for FN som bevis på at Irak planla å produsere atomvåpen. Bilda vart brukte for å forsvare USAs og Storbritannias angrep på Irak i 2003. Etter kvart vart «bevisa» avslørte som propaganda. Fleire land vart sterkt kritiserte for å delta i krigen.

📷  Britiske aviser var ikkje nådige mot statsminister Tony Blair då løgnene vart avslørte.