• For å jobbe med dette treng du solide kunnskapar innan statistikk, dataanalyse og anvendt matematikk, og du må ha 3-5 års erfaring med ulike analyseverktøy.
• Du må ha erfaring i å jobbe med “big data” og maskinlæring. Det er inga ulempe å ha erfaring i eitt eller fleire programmeringsspråk.

• Du må kunne jobbe godt med andre, og du må ha gode munnlege og skriftlege evner.
• I tillegg må du kunne vise fram komplekse analysar og samanhengar på ein effektiv måte gjennom diagram, figurar og andre typar oversikter.

• Du må ha minst fem års erfaring med hacking og infiltrasjon, og ha gode programmeringskunnskapar i fleire språk.
• Du må kunne utvikle deg for å halde følgje med den digitale utviklinga og dei moglegheitene og utfordringane ho gir.

• For å kunne jobbe med andre og kunne dokumentere med høg grad av nøyaktigheit, blir det kravd spesielt gode kommunikasjonsevner – både munnleg og skriftleg.
• Du må ha godkjent sikkerheitsklarering, og halde deg innanfor dei nasjonale retningslinjene som er utarbeidde for cyberangrep og cyberforsvar.

• Du må ha utdanning i språk, i tillegg- til bakgrunn frå kreativ skriving, interaksjonsdesign, kommunikasjon på sosiale flater og kunnskap om augmented reality.
• Du må kunne skape løysingar som ikkje er baserte på spørsmål og svar, men som skaper ein naturleg flyt i samtalen. Her må du ha god kunnskap om både språklege og kulturelle forhold som kan ha betydning for samtaledesignet.

• Du må kunne skape ei stemme som både høyrest naturleg ut, har karakter og gjerne noko humor. Dette krev stor innsikt i menneskeleg kommunikasjon, samt fagområdet der stemma skal brukast.

• Du må ha erfaring med rettleiing, saman med god estetisk sans og evne til aktiv lytting. Det er ein fordel med utdanning innan interiørdesign.
• Du må forstå kva som motiverer den enkelte kunden og navigere mellom ulike personlegdomstypar, gjennom å stille gode spørsmål og lytte aktivt. Du må kunne skjere gjennom, samtidig som behova og ønska til kunden ikkje skal bli overkøyrde. Dette er ein vanskeleg balansegang som krev god menneskeleg innsikt og evne til å byggje tillit.

• Du må vere fortruleg med bruk av teknologi som bidrar til å effektivisere arbeidet med kategorisering av tinga til kunden, og som viser korleis kundane kan utforme heimane sine med dei tinga som skal behaldast. Dette krev innsikt både i augmented reality og bruk av kunstig intelligens.

• Du må ha utdanning innan arkitektur og minst tre års erfaring.
• Du må ha svært god kunnskap om kva for nokre teknologiar som blir brukte i smarte heimar, og sjå korleis desse vil passe i kvart enkelt prosjekt.
• Erfaring som projektleiar er nødvendig, og du må kunne vise til at du har gjennomføringsevne.

• Svært gode kommunikasjonsevner er påkravde – både skriftleg og munnleg. Du må kunne byggje gode relasjonar som blir prega av gjensidig tillit og respekt.
• Førarkort for bil er ein føresetnad.

• Det blir kravd doktorgrad i miljøtilpassing med særleg fokus på konstruksjonsprosjekt.
• Du må ha erfaring frå store internasjonale, nasjonale eller kommunale prosjekt innan tidvassproblematikk, som til dømes  arbeid som tidvassportane i Themsen, utfordringar i Venezia eller landfyllingar i Nederland.

• Du må kunne kommunisere, overbevise og samarbeide med internasjonale utval og akademiske ekspertar for å arbeide innovativt, oppnå framgang og kvalitetssikre resultat.
• Du må vise svært god forståing for hydroteknikk, arkitektur og prosjektering.

Vi ser derfor etter deg som har erfaring frå bil- eller flysektoren, og som er i stand til å handtere uventa og komplekse utfordringar. Viss du har lidenskap for å gjere det umoglege mogleg – då er dette jobben for deg!

• Du har bakgrunn i leiing eller frå arbeid med motor eller aerodynamikk, og du må ha erfaring frå bransjen.
• Viss du har vore involvert i eit prosjekt knytt til romfart, vil det vere eit stort pluss. Det er òg ein fordel om du har erfaring frå å arbeide med utradisjonelle utviklingsselskap der ein tenkjer “utanfor boksen”.

• Du har gode samarbeidsevner, kan byggje gode relasjonar og tenkje kreativt.
• Vi treng ein praktikar som får ting gjort, ikkje ein drøymar. Praktiske evner i teknisk utvikling vil bli vektlagt sterkare enn utdanning.

Som ein del av teamet vårt vil du arbeide med å utvikle tekstil og materiale som gir kunden god interaksjon gjennom berøring på eit breitt utval av produkt. Du vil identifisere kva slags berøringsteknologi som passar best for kvart enkelt produkt. Arbeidet vil endre kvardagsprodukt til unike og rike opplevingar for kvar enkelt kunde.

• Du må ha erfaring frå det å skape fysiske produkt og god kunnskap om taktile overflater på gamle og nye produkt. Du må òg vere opptatt av trendar innan det å bruke augmented reality i denne samanhengen. Du forstår balansen mellom sensoriske opplevingar og brukbarheita til eit produkt.
• Du må ha erfaring med berbare teknologiar og berøringsteknologi.

• Du må ha bakgrunn frå produktdesign, kognitiv psykologi eller interaksjonsdesign. Du må også ha erfaring med prosjektleiing innan produktplanlegging, utvikling og marknadsføring.
• Det er ein fordel med utdanning i materialkunnskap og design, men dette er ikkje eit krav. Det er eit pluss viss du har bakgrunn frå motebransjen.

Du må vere ein svært god lyttar, og prinsippet vårt er at vi skal lytte ti gonger meir enn vi snakkar. Du vil få støtte av AI-teknologi som kan gi deg idear til samtaleemne basert på preferansane til den enkelte kunden.

• Alle typar utdanning og erfaring vil bli vurdert, men du må kunne vise til plettfritt rulleblad.
• Du må vere komfortabel med å bruke telefonbaserte appar, både for bestilling frå kundar, oppfølging og som støtte for samtaleidear.

• Du må ha svært gode kommunikasjonsevner, spesielt i aktiv lytting. Evne til å byggje relasjonar og tillit er andre viktige eigenskapar. Fleksibilitet, nøyaktigheit og ærlegdom er absolutte krav.
• Førarkort er ein fordel, då du må reise ut til kundar.  Enkelte kundar vil ha husdyr som du må forhalde deg til.

Du ser moglegheiter i å utvikle produkt som gir auka livskvalitet og betre helse, noko som òg vil føre til auka livslengde utan sjukdom og plager. Sjukdommar vi i dag ser på som dødelege, vil vi i framtida kunne behandle på enkle måtar.

• Du treng høgare utdanning i økonomi, strategi og/eller molekylær biologi. Det vil vere ønskjeleg med grunnleggjande kunnskapar om genetikk.
• Vi krev minst ti års relevant erfaring og  erfaring frå  forsking og/eller sal/marknadsføring. Minst tre års erfaring frå praktisk lab-arbeid er eit krav.

• Gode leiareigenskapar og kommunikasjonsevner er nødvendig, og noko forhandlingskompetanse er påkravd. Sidan du skal kommunisere med ekspertar innan helse, vil det vere nødvendig med oppdatert kunnskap på dette feltet, og spesielt innan genetikk og DNA-design.
• Du må òg kunne føresjå kva behov kundane våre vil ha dekte, og igangsetje produktutvikling, testing og kvalitetskontroll, slik at produkta blir klare for marknaden.

Som digital skreddar vil du jobbe med kundar heime eller på arbeidsplassen, for å sikre at dei alltid får klede som passar perfekt. Gjennom teknologi blir det tatt presise mål som blir lasta opp i datasystemet vårt, slik at klede som blir bestilte, blir tilpassa den enkelte. Du vil òg gi råd om stil og klesval og tilby ulike typar tilbehøyr. Kundane skal òg følgjast opp etter levering. Viss du elskar mote, er dette arbeidsplassen for deg.

• Du må ha erfaring med og/eller kvalifikasjonar innan mote, skreddarverksemd, interiørdesign, kunst eller liknande.
• Du må ha ein engasjerande personlegdom som skaper tillit og byggjer relasjonar, og du må ha eit sterkt ønske om å hjelpe og rettleie andre. Erfaring som coach er ein fordel.

• Du må ha god motesans og evne til å presentere deg sjølv på beste måte, då du skal representere både deg sjølv, bedrifta og designarane våre.
• Du må vere fortruleg med teknologi for bruk av målesystem og bestillingsrutinar.
• Du må ha initiativ og pågangsmot, og du må alltid prøve å sikre at kundane kjem tilbake og handlar meir.