Tankeeksperiment:
Kva om vi vart invaderte
av romvesen?
Menneske har i all tid retta blikket mot verdsrommet og drøymt seg bort. Til slutt klarte vi å lande på månen, og vi har sendt romfartøy til Mars. Mange trur at det finst liv på andre planetar. Men kva ville skjedd om vi vart invaderte av romvesen? Hadde dei komme med krig eller fred? Kva kunne vi stilt opp med?
No skal vi gjere eit tankeeksperiment.
Hvitt romvesen står foran svart bakgrunn.
åtte timar før kontakt
Ein gong i framtida kan vi få besøk frå verdsrommet. Ekspertar seier at dette scenarioet er mogleg. Om det finst utanomjordiske vesen, kan dei vere farlege. På film prøver dei som regel å erobre og kolonisere alle planetar dei finn. Spesielt jorda.
Ein mogleg trussel?
Fleire nasjonar har laga planar ved ein eventuell invasjon frå rommet. Dei har øvd på mange moglege situasjonar. Det meste er klassifisert som top secret. Forsvaret vil ikkje avsløre løyndommane sine.
Men vi treng ein plan for korleis vi skal handtere ein slik invasjon.
1 / 2
En UFO svever over et ørkenlandskap.
to timar før kontakt
Håpet er at dei framande er fredelege og klare for kommunikasjon. FN skriv ei melding som blir sendt med TV- og radiosignal. Meldinga skal bli framførte av jordas mektigaste leiarar. Ho blir samtidig sendt på dei mest utbreidde språka på jorda: mandarin, spansk, engelsk, arabisk og hindi.
8000 kilometer over jorda svevar den framande gjenstanden. Det er ingen teikn til reaksjon. Forsvaret er i høgaste beredskap. Kanskje dei framande ikkje forstår oss. Så blir det prøvd å opprette kontakt ved hjelp av matematikk. Dei får enno ikkje noko svar. Plutseleg begynner gjenstanden å røre på seg.
1 / 2
Kontakt
No er augneblinken som mange har venta på, komen. Den første kontakten. Alle sine auge, satelittar og kameraer er vende mot gjestane.
Så kjem ein elektromagnetisk puls frå fartøyet. Straumen forsvinn. Alle skjermar blir svarte. Internett kollapsar. Kvifor?
Det ligg ein intelligens bak. Noko som stansar all kommunikasjon. Mobilsamtalar blir avbrotne. Minibankar fungerer ikkje. Alle jordas satellittar har svikta. TV-skjermane blir tomme.
Var det ei krigshandling eller eit forsøk på å svare?
1 / 2
En UFO svever over jorda i et blått lys.
tre timar etter kontakt
Fleire enorme romskip svevar over ein av jordas viktigaste byar. Jorda står overfor ei hending som ikkje liknar noko anna i historia.
Kvifor er romvesena her? Er dei ein trussel, eller kjem dei for å dele ny teknologi med oss?
Intelligent liv
Mange tenkjer umiddelbart at romvesena kjem til jorda med vonde hensikter. Dette veit vi ingenting om. Vi må berre håpe at dei kjem med fredelege hensikter. Kvifor skulle dei ikkje det?
Fiendtlege hensikter
I dette tankeeksperimentet viser det seg at romvesena ikkje er vennlege. Viss inntrengarane kan reise mellom stjernene, har dei teknologi som er langt betre enn vår. Kva er dei i stand til å gjere med oss?
1 / 3
Fire ufoer svever over New York.
fem timar etter kontakt
I alle storbyane i verda opplever folk sjokk og terror. For å overleve, må vi alliere oss med dei tidlegare fiendane våre. USA og Taliban slår seg saman mot ein felles fiende. Krigsmateriellet i alle nasjonar blir klargjort. Men det kan ikkje måla seg med teknologi som har reist så langt.
Overlegen teknologi
Teknologien til romvesena er så overlegen at vår eigen ikkje vil klare seg lenge. Derfor må vesena bli overvunne før dei bevegar seg ned på jordas overflate. Men romvesena slår ut all militær motstand.
Ein forsvarslaus jordklode
Så angrip dei infrastrukturen i samfunnet. Vegar, flyplassar, straumnett, satelittar og internett blir øydelagde. Dei slår ut ting vi kan bruke mot dei. Over heile kloden skjer det same. Menneska er i ferd med å bli overvunne ein gong for alle.
1 / 3
Ruin av en storby i soloppgang.
sju timar etter kontakt
Ein stad i Atlanterhavet stig ein ubåt opp frå djupet. 50 meter under overflata opnar han ei luke, og ein rakett bryt gjennom vassflata og stig opp. Han inneheld ei atombombe. Det kraftigaste våpenet vi har på jorda.
Lagnaden til planeten avheng av det verste våpenet vårt. Alle bygningar innanfor 6,5 km blir øydelagde. Men fungerer det?
Jordas mektigaste våpen har ingen verknad. Dei framande sin teknologi er for avansert. Dei er altfor godt verna. Jordas hærar er utslegne, men invasjonen er berre begynnelsen.
Motstanden blir organisert
Overlevande statsleiarar gir ordre om å avslutte angrepa. No er tida for å flykte. Ordren er å spreie seg mest mogleg og halde seg skjult til ting har roa seg ned. Vi treng tid for å planleggje eit motangrep.
1 / 3
Vi ser noe av en ubåt under vann som er turkis.
sju dagar etter kontakt
Kvifor har dei komme til jorda? Kva skal dei her?
Svaret får vi då nye fartøy begynner å samle inn to stoff som dei ikkje har funne nokon andre stader: klorofyll og protein. Med andre ord: plantar og dyr. Dei haustar inn alt av liv, og dei syg det inn i romfartøya.
For inntrengjarane er livet på jorda ein naturressurs som dei kan bruke. På same måten som oss menneske har dei reist ut og oppdaga nytt land. Mangel på mat, arbeid og plass har tvinga dei til å utforske universet.
Føremålet med at dei kjem, er sannsynlegvis ikkje å utslette oss, men å hente ressursar. Planeten dei kjem frå, er tom, og jorda inneheld mykje av det dei treng. Men sidan dei vart angripne av menneska, måtte dei forsvare seg.
1 / 3
Jordkloden sett fra månen.
seks veker etter kontakt
Dei menneska som har overlevd, samlar seg i grupper. Dei gøymer seg i skogane og i hòler. Nokon har framleis nokre siste restar av teknologien vår – walkie-talkiar. Dette er apparat ein kan bruke til å snakke med kvarandre over lengre avstandar.
Gammal teknologi
Sidan satelittar og internett er øydelagde, må vi bruke gammal teknologi. Noko som fungerer ved hjelp av radiobølgjer. Elektriske bølgjer som kan sende og få lydsignal.
Vi må kunne kommunisere for å skape nok motstand. Svoltne og slitne grupper får nytt mot. Det vil bli vanskelege dagar, men vi kan ikkje gi opp.
1 / 2
En person griper tak i en av to walkie-talkier som står på et bord.
seks månader etter kontakt
Romvesena haustar av jorda. Innhaustinga blir ei moglegheit for å slå tilbake. Eit av dei største problema blir å bryte gjennom skjolda fartøya har rundt seg. Atomvåpen gjer ikkje eingong skade i lakken.
Men det finst ein veg inn. Det kan festast sprengladningar på ting som romskipa syg opp. Dette gir håp.
Lågteknologisk krigføring
Sjølv med dårleg teknologi kan vi slå dei. Vi må berre vere smartare enn dei. Planen byggjer på erfaringane til historia. Mange store hærar har tapt mot tilsynelatande dårlegare motstandarar. Dei minste har nemleg slått til der dei sterkaste ikkje har forventa det.
Geriljakrig
Stadige småangrep held krigen i gang. Det er den enkle regelen i geriljaen – slå til når det opnar seg ei moglegheit. Vi må finne svakheitene deira og slå til der.
Inntrengjarane er for langt heimanfrå til å bli erstatta. Det er ei svakheit som kan utnyttast.
Lær av maurane
Menneske kan lære om overleving av jordas mest talrike art, maurane. Der finst det ikkje berre éin leiar. Fleire leiarar gjer at ein blir mindre utsett. Ein annan leiar kan overta viss andre leiarar døyr.
Ein kan drepe alle maurane på kjøkkenbenken, men maurtua under huset overlever. Målet er ikkje å utslette fienden, men å gi dei lyst til å reise igjen. Vi må halde ut lenger enn dei.
1 / 4
Sort maur kryper på hvit stein.
Sju månader etter kontakt
Tida går i rasande fart. Alle menneske som er 14 år eller eldre, må bere våpen. Vi må skape ei total motstandsrørsle av alle overlevande.
Ingen romvesen har vist seg utandørs. Kanskje dei fryktar noko vi har? Kanskje dei kan bli slått ut av bakteriar, eller kanskje virus kan skade angriparane?
Biologiske våpen
Vi kan kanskje konstruere eit biologisk våpen for å angripe dei. Kan vi gi dei sjukdommar dei ikkje har immunforsvar mot? Døyande menneske lèt seg suge opp i romskipa for å spreie sjukdom.
1 / 3
Covid-19.
Ni månader etter kontakt
Den biologiske krigføringa ser ikkje ut til å ha påverka romvesena. Dei toler alt. Det kan vere at dei framande har med sjukdommar som VI ikkje toler. Kva vil skje når dei kjem ut frå fartøya sine?
Biologiske vesen eller maskiner?
Årsaka kan òg vere at romvesena ikkje er biologiske, men maskiner. Derfor treng dei plantane og dyra våre til å lage drivstoff. Viss dei er maskiner, er det ei forklaring på at dei ikkje svarte på førespurnadene våre. Dei bryr seg ikkje om andre intelligente livsformer.
For å knekkje maskiner må nokon komme seg inn i moderskipet for å slå av teknologien. Det kan vere siste sjanse.
Ballongar
Vi må få troppar inn i skipa, og det er eitt lågteknologivåpen som kan klare det – ein luftballong. Det er så lågteknologisk at det nesten er usynleg. Ein luftballong leier ikkje straum og er ikkje synleg på radar.
Ballongangrepet
Menneska går all inn. Di fleire som angrip, dess større sjanse for å lykkast. Dei utanomjordiske kan ikkje slå ut alle. Tusenvis blir sende opp i ballong. Er ein mange nok, får ein raskt overtaket. Berre tenk på insekt og maur.
Framtida til planeten blir avgjort av eit angrep med heliumballongar og lågteknologi. Kan dei lykkast?
Lågteknologi versus høgteknologi
Soldatane forsvinn inn i skipa og overlistar dei høgteknologiske gjestane. Sprengstoff blir plassert på avgjerande stader. Til slutt overvinn lågteknologi den utanomjordiske høgteknologien.
Kapitulering
Dei utanomjordiske forstår at dei taper meir enn dei vinn. Til slutt vel dei å reise. Den utanomjordiske invasjonen er over. Det er ikkje teknologien som blir avgjerande, men samarbeid og tilpassing. Vi må bruke dei styrkane vi har.
1 / 6
Epilog
Vil utanomjordiske dukke opp, eller er vi åleine i dette enorme universet?
Begge spørsmål er urovekkjande, og begge er spennande å tenkje over medan vi beundrar nattehimmelen.
Stjernehimmel.
Kjelder:
- Du har no lese eit tankeeksperiment. Artikkelen er basert på ein dokumentar på National Geographic Channel med namnet «Alien Invasion». Kjelda er ikkje lenger tilgjengeleg.
Bilde- og videorettar:
-
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
