Vel framtida
Når du er 16 år, står du framfor eit viktig val: Kva slags utdanningsprogram skal du velje på vidaregåande skule? Dette valet vil forme dei neste åra av utdanninga di, og kanskje òg den framtidige karrieren din. Her er nokre ting du bør tenkje gjennom:
- Draumane og ønska dine: Kva interesserer deg? Kva drøymer du om å gjere?
- Evnene og interessene dine: Kva slags fag er du god i? Kva liker du å gjere på fritida?
- Informasjonen om utdanning og yrke: Lær så mykje du kan om dei forskjellige utdanningsprogramma og kva slags jobbar dei kan leie til.
Det er lurt at du tek deg god tid før du skal bestemme deg. Snakk med rådgivaren på skulen, foreldra dine og andre vaksne du stoler på. Dei kan gi deg råd og hjelpe deg med å tenkje gjennom valet ditt. Det aller viktigaste er at du sjølv er fornøgd med valet, og at det kjennest riktig for deg.
1 / 2
Kjenn deg sjølv!
Tenk over kva du er god til og kva du liker. Dette kan gi deg ein pekepinn om kva som kan passe for deg som utdanning og yrke.
- Er du teoretisk anlagt eller praktisk?
- Liker du å jobbe med andre, eller liker du best å jobbe åleine?
- Kva med dei personlege eigenskapane dine? Er du utovervend eller meir reservert?
- Helse og andre forhold: Nokre yrke har spesielle krav til fysisk styrke eller helse. Har du allergiar eller andre helsemessige forhold som er viktige for valet ditt?
Påverknad frå andre
Det er fint å lytte til råd frå folk rundt deg, men hugs at det er ditt liv og di framtid. Vel noko du sjølv er interessert i og trur du vil trivst med.
Behovet i samfunnet
Tenk òg på kva slags jobbar som kan vere etterspurt i framtida. Verda forandrer seg raskt, og nokre jobbar som er viktige i dag, kan vere mindre etterspurde i framtida, og omvendt.
Kan du endre meining?
Ja! Viss du finn ut at du har valt feil, kan du alltid byte program eller ta ekstra fag som gir deg studiekompetanse. Det gjeld òg viss du vel eit yrkesfag, og ombestemmer deg.
Hugs at inga utdanning er bortkasta. All læring gir deg personleg utvikling og nye ferdigheiter du kan trenge seinare i livet.
1 / 2
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
