Sinun sisäinen kello
Oonko sinusta vaikkee nukattaat illala? Tahi nousta ylös aamula? Tässä sie saatat oppiit mitä sinun kropissa tapattuu sen jälkhiin ko panet nukkumhaan kiini siihen saakka ko herräät.
Janturirytmin kontrollisentteri
| Kropissa oon jonkulainen sisäinen kello joka ohjaa kroppia. Tämä kello oon niin ko kontrollisentteri ja se oon syvälä aivoin sisälä. |
Tätä allaa käskethään nimelä hypothalamus. Hypothalamus ohjaa sekä unta ette syömistä.
Hormoonit ja näkö vaikuttaava
Janturirytmin kontrollisentterii käskethään SCN:ksi. Se saapi tiettoo nävöstä ja pimmeyđestä sinun silmistä. Se saapi kans tiettoo unihormooni melatoniinilta. Ko sie nukut, melatoniinin määrä noussee kropissa. Päivälä oon kropissa hirmuisen vähän melatoniinii.
Dame som sover
Sie herräät
| Aamula näkö tukkii silmäluomesta sishään. Silloin sinun silmiin solut reageeraavat. Net anttaavat signaalin aivoile siitä ette se oon taas uusi päivä. |
Sinun sisäinen kello aloittaa sitte alusta. Kropinlämpö ja verenpaino nousseevat. Melatoniinin produksuunin loppuu. Suoli alkkaa taas toimimhaan. Se oon ollu lepotilassa silloin ko sie nukuit.
1 / 2
Olet hyvässä vauhđissa
| Sinun kropintemperatuuri noussee herräämisen jälkhiin. Sie ajattelen parhaiten kello 10:n jälkhiin aamupäivälä. |
Sie saatat tulla vaipunheeksi murkinan jälkhiin. Silloin saattaa olla hyvä olla fyysisesti aktiivinen.
Sie pysyt aktiivisena
| Verenpaino ja kropinlämpö nousseevat jammisti koko päivän. |
Ko kello oon nuoin 18, verenpaino alkkaa taas laskemhaan. Sama tapattuu kropinlämmön kans.
Heti oon aika mennä levole |
| Kello 21:n jälkhiin alkkaa ulkona pimenemhään. Silloin kroppi produseeraa unihormooni melatoniinii. Sie vaivut ja halluut mennä levole. |
Kroppi produseeraa melatoniinii koko yön. Sitte sinun sisäinen kello aloittaa taas alusta seuraavanna aamuna.
Ulkopuoliset ja sisäiset vaikutukset
| Puberteetissa tapattuu suurii muutoksii hormooniissa. Tämä saattaa vaikuttaat teini-ikhäisten janturirytmhiin. Usheista teiniistä tullee B-ihmiset näitten vuossiin aikana. Se tarkoittaa sitä ette het oon valpphaamat illala ja vaipunheemat aamula. |
Käsifuuniista ja muista elektroonisista särmiistä tullee sinistä näkköö joka pillaa yöunen. Tämä sininen näkö häirittee kropin sisäistä kelloo joka auttaa meitä nukattamhaan.
Lähtheet:
- Kropp & Helse (2020)
Orage Forlag AS
Kuva- ja video-oikkeuđet:
-
-
Shutterstock
-
Shutterstock
-
Thinkstock / OxfordSparks – YouTube
-
Shutterstock
-
Shutterstock
-
Shutterstock
-
Thinkstock
-
