I 1952 gjekk USA i gang med å lage hydrogenbomba. I ei hydrogenbombe blir atoma tvinga saman, og dei frigjer eksplosjonsenergi som er rundt 1000 gongar kraftigare enn atombombene under andre verdskrigen.

Det tok Russland berre eitt år å lage og teste si eiga hydrogenbombe.

I 1962 oppstår Cubakrisa. I 13 dagar går det føre seg ein konflikt mellom USA og Sovjet, der begge ønskjer å vise makta si. Dette skjedde etter at USA oppdaga at Sovjet hadde bygd opp og lagra atomvåpen på Cuba, berre 145 kilometer frå Florida. USA laga ei sperre rundt Cuba for å hindre militært utstyr i å kome inn i landet. Krisa løyste seg etter at USA trua med å invadere Cuba, og Sovjet trekte seg ut frå øya. Seinare fann ein ut at Sovjet trekte seg ut mot at USA fjerna atomvåpena sine i Tyrkia.

USA og Sovjetunionen laga eit militært dokument kalla garantert gjensidig øydelegging. Her anerkjende begge landa at viss ein av dei sende missil mot den andre, ville hemnen frå den andre føre til at begge land vart øydelagde.

Missil er våpen som kan nå langt fram, og som har eit eige styringssystem.

Før juli 1968 vart Ikkjespreiingsavtalen signert av USA, Sovjetunionen og Storbritannia. Avtalen skulle passe på så land som ikkje hadde atomvåpen, ikkje skulle kunne utvikle dei. Dei følgjande åra vart det signert fleire atomavtalar mellom USA og Sovjetunionen for å minske spenninga mellom landa og minske produksjonen av atomvåpen.

• Med dagens fart på nedbryting er det rundt 230 år med det radioaktive grunnstoffet uran tilgjengeleg frå kjende stader på kloden.

• Ein gjennomsnittleg atomvåpentest vil øydeleggje alt innanfor ein 80 km radius.