Dei viktige B-vitamina

Det finst åtte ulike B-vitamin. Nokre er vassløyselege. Andre er feittløyselege. Vassløyselege vitamin kan ikkje lagrast så godt i kroppen. Dei forsvinn ofte ut med urinen. Dei feittløyselege vitamina kan lagrast i kroppen i lang tid.

B-vitamina er viktige for helsa vår. De fleste av desse får vi i oss når vi et.

B1 – tiamin

B1 finst i mjølk, korn, svinekjøt, erter og peanøtter.

Kroppen treng B1 for at vi skal få i oss næring frå maten vi et.

B3 – niacin

Det finst mykje B3 i kjøt, grønsaker, nøtter og korn.

B3 er med på å beskytte arvestoffet vårt – DNA. Alle som blir fødde, har fått med seg arvestoff frå mor og far. Det gjer at barn og foreldre liknar litt på kvarandre.

B5 – pantotensyre

Dette vitaminet finst i nesten alle matvarer.

B5 hjelper kroppen med å forbrenne feitt, karbohydrat og protein. Slik får kroppen næring når vi et. Protein er med på å byggje cellene i kroppen. Karbohydrat gjev oss masse energi. Feitt beskyttar det vi har på innsida av huda.

B7 – biotin

Kroppen kan lage B7 sjølv, men vi treng ofte noko meir.

Vi finn B7 i brød, egg, ost, kjøt, fisk og grønsaker.

Får vi for lite B7, kan vi miste håret, eller vi kan få smerter i musklane.

B12 – kobalamin

Mangel på dette vitaminet kan føre til lammingar i kroppen. B12 hjelper også til med å produsere raude blodceller. Desse fraktar oksygen rundt i kroppen.

Dei som berre et frukt og grønsaker, veganarar, kan få i seg for lite B12. Vitaminet finst nemleg i kjøt, egg, mjølk, skaldyr og ost.