Purim-festen

Om våren feirar jødar heilagdagen Purim. Da kler dei seg ut, inviterer til festmiddagar og gir kvarandre gåver. Dei feirar purim til minne om dronning Ester frå Bibelen. Historia seier at ho redda jødane frå eit folkemord.

Det er tradisjon å gi mat til familie, venner og fattige. Maten blir lagt i pynta korger som  blir kalla Mishloach manot.

Pesach

Pesach blir rekna som den viktigaste heilagdagen for jødane. Dagen blir feira om våren når naturen vaknar til liv etter vinteren.

Ifølgje Bibelen var jødane slavar for faraoane i Egypt. Pesach blir feira til minne om korleis Moses, med Guds hjelp, redda jødane ut av fangenskapet.

For å hugse denne historia et familien eit måltid som blir kalla seder. Måltidet kan ta fleire timar der historia blir fortald på nytt med hjelp av maten.

Sabbats-måltidet

I jødedommen blir det feira sabbat kvar veke. Ordet kjem av det hebraiske ordet schabbath som betyr kvile. Sabbaten varer frå solnedgang fredag til solnedgang laurdag.

Fellesskapet rundt matbordet er heilagt for ein jødisk familie. Då et dei fletta brød, fisk, suppe, kylling og dessert utan meieriprodukt.

Nattverd

Dei første kristne

Dei første kristne følgde ikkje jødiske og romerske matreglar. Matreglane vart sett på som påbod frå menneske, og ikkje frå Gud.

Julemat

Kristne et mykje god mat til jul. Enkelte lèt vere å ete ei stund før jul, for å førebu seg litt ekstra. Då vil alt som har med jul å gjere smake endå betre.

I Noreg er det vanleg å ete torsk, svineribbe, kalkun eller pinnekjøt på julaftan. I tillegg til julekaker, riskrem, moltekrem, klementinar og marsipan. Vi sparer ikkje på noko som helst når årets største høgtid kjem.

Katolikkane kjem frå så mange ulike land, så der vil tradisjonane variere ein god del.