Dersom du brukar noko frå andre sine tekstar– utan å oppgi kjelder – kan det bety at:

• du kan fagstoffet, men er usikker på korleis du skal skrive om det. 
• du synest at andre har skrive det så bra at du tenkjer det er unødvendig å skrive det på ein annan måte. 
• du tar ein snarveg.

Det gjer det vanskeleg for den som skal vurdere teksten, å vite kva som gjeld for deg. 

Plagiering er Å…

… kopiere setningar og avsnitt funne i andre sitt arbeid utan kjeldebruk.

… kopiere ord for ord.

… omformulere ei setning eller eit avsnitt, så teksten er nokså lik.

… kopiere tekst direkte frå internett utan kjeldebruk.

Plagiering er Å…

… skrive av notatane til ein medelev.

… kopiere bilde, diagram, grafar og liknande utan å oppgi kjelda.

… låne data/statistikk og fakta som andre har samla inn, utan kjelder.

… bruke sitat frå tekstar, videoar eller anna frå undervisninga utan å oppgi kjelde – òg sjølv om det er dine eigne notat av gode sitat frå læraren. 

Ein student som plagierer, får ikkje godkjent oppgåva si og må kanskje bruke lengre tid på studiet. I verste fall kan studenten bli stengd ute frå studiet i ein periode.

Plagiering finst ofte når:

• ein har fått for dårleg tid på ei oppgåve og “låner” frå andre.
• ein er redd for å ikkje skrive godt nok, og “låner” frå andre.
• internett gir riktig svar, og ein brukar dette ordrett.
• ein kanskje vil stå fram som klokare enn ein er.